上水至馬鞍山的單車徑工程招標

egg_studio

六月開始工程，應該2012年 10 月完成 (當然希望可以早 d) ，呢個工程最大特色係起單車徑連接粉嶺至大埔，現時需要踩馬路或馬路加村路。

轉載自土木工程拓展署網頁：

合約工程包括建造一條長約5公里的新單車徑(連行人路)，以連接粉嶺及大埔現有的單車徑，包括建造相關橋樑、覆蓋現有明渠及重建現有一段沿單車徑的現有通路(約1.6公里長)；改善上水、粉嶺、大埔及沙田現有單車徑的選定路段 (總長約1公里)，包括局部擴闊單車徑至現行標準，並提供休憩處及設置更多道路標誌；相關的環境美化工程及附屬工程；提供工程所需的紓減環境影響措施和實施環境監察及審核計劃。工程預計在2010年6月展開，約需時28個月完成。

截標時間/日期 :2010年4月9日, 星期五, 12:00 中午

c_Foo

聽我投標先, 大笪地工程公司

hongdonald

真牛!
大圍去粉嶺都得!
不過希望d road block唔好咁大塊..

egg_studio

回覆 3# hongdonald

整個工程係大圍 --> 大埔 --> 粉嶺 --> 上水 --> 元朗 --> 屯門 --> 荃灣

因為其中大埔--粉嶺、上水--元朗、及屯門--荃灣呢三段現時沒有單車徑，因此整個工程其實係響此三段興建單車徑，再改善現有單車徑，而大埔--粉嶺係優先上馬項目。

完工後整條單車徑全長 100 km

c_Foo

嘩......Cool~~

冇搬錯入屯門

hongdonald

成條麥徑咁長啊!
有排踩!

egg_studio

屯門--元朗、粉嶺--上水、大圍--大埔本身已經有完整單車徑網絡，而政府呢個工程目標係將三者連接，所以照呢個諗法，屯門--荃灣應該係最後先起。

依家要從大埔去粉嶺，一定要行馬路 (水圍)，去到康樂園先有村路到粉嶺。

而響上水去元朗，大多數人會走粉錦或新田公路，(雖然有村路，但好少人識路) ，所以對大部分人黎講走馬路 (特別係粉錦或新田公路呢 d 貨櫃車特別多嘅公路) 係非常危險，所以呢個工程都幾重要。

另外呢 d 單車徑可抵達新界好多旅遊文物名勝，例如濕地公園、廈村、 聚星樓、米埔、龍踴頭，應該會吸引到d 喜歡踩單車旅遊嘅人。