童年回憶

hongdonald

最近同同學傾開，細個時鐘意睇咩CARTOONS,發覺兩套係差唔多個個都睇過~
GO GO POWER RANGER!<~~小弟最近用既SMS RINGTONE

Go Go Power Ranger!







我仲記得紅戰士有招好屈機..
唔知呢度既70後,細個又係睇咩CARTOONS呢?

Homan

我好細個睇「小雙俠」、「高狄安」、「黃金戰士」、「機動戰士」、「超時空要塞」、「我係小忌廉」、「叮噹」(唔係咩“多啦A夢”)、「電子神童」…

hongdonald

我係小忌廉好似有D印象..

egg_studio

阿黃戰士先幾年抄車死咗了

機動戰士 -- TVB 做緊
小雙俠 都係 TVB 做緊

至於 70 後有乜卡通？基本上你去玩具鋪行個圈，賣緊果 d 大多係以前 d 卡通片嘅 figure + 機械人

Kendall_One

我好細個睇「小雙俠」、「高狄安」、「黃金戰士」、「機動戰士」、「超時空要塞」、「我係小忌廉」、「叮噹 ...
Homan 發表於 27-2-2010 12:40 AM

全中。另加「超人」(係咸蛋超人ULTRAMAN，唔係SUPERMAN)、足球小將、足球小旋飛、魔神英雄傳、,百獸王、傻豹、冒險少女娜丁亞......

hongdonald

原來足球小將已經有左咁耐..
咁小飛俠阿童木又係唔係你地個個年代
最近睇左一本由已故兒童小說作家何紫先生所寫既圖書
70年代出世既細路係睇小流氓,玩既係比斯麥戰艦模型
當時興玩具地攤,未有太多玩具店舖
小朋友多數睇一本叫"兒童畫報"既有益刊物
到左我地80後,已經轉睇CoCo,Yes
玩既玩具係數碼暴龍一/二/三/四/五/Super版,搖搖,彈珠人,四驅車(龍頭鳳尾,25000轉摩打,樂聲牌銀色1000mah叉電,海綿tyre,自己再diy偷輕車身)

Kendall_One

四驅車都有玩，係我中學時代已經有30000轉摩打，何解去到你個代反而降呢落25000轉？

hongdonald

四驅車都有玩，係我中學時代已經有30000轉摩打，何解去到你個代反而降呢落25000轉？ ...
Kendall_One 發表於 2-3-2010 04:07 PM

我地個陣係用顏色來分
最高轉數係25k
有炭黑/紫摩/紅摩等
小弟當年係玩前驅的,部車叫黑巨霸~   

借圖

egg_studio

原來足球小將已經有左咁耐.. <-- 佢響我讀小學嘅年代，即係閣下未出世嘅年代
咁小飛俠阿童木又係唔係你地個個年代 <-- 你叫得做「阿童木」，即係你係 80 / 90後，因為 70 年代 d 人係叫「小飛俠」，小飛俠個名就係小飛俠，唔係阿童木。

最近睇左一本由已故兒童小說作家何紫先生所寫既圖書
70年代出世既細路係睇小流氓,玩既係比斯麥戰艦模型 <-- 比乜春戰艦模型?? 係乖乖模型及 Big One。當然仲有最重要嘅超合金及大膠。

何紫，雖然呢條友瓜咗，不過都要評吓佢 -- 佢嘅作品為咗可以令當年相對上較為保守嘅社會/學校接受，所以描繪嘅社會，特別係兒童/學生嘅生活都並不寫實，佢筆下嘅 70 年代係好純真，好樸素，但只要比較吓當時 d 電視劇集、電影、咸書、卡通片等，或者 (至少我認為) 70 年代根本唔係咁樣；70 年代係一個百花齊放、開放嘅年代，社會中，唔會有乜乜電車男、高溫膠呢類蛋散存在，反觀現在社會富裕了，就多咗班 7 7 地嘅硬膠仔。(留意番「歲月神偷」導演響先排 d 訪問中，對 60/70 年代 d 人點樣面對逆境嘅描述，及對依家果班 80 後嘅批評，就知何紫如何扭曲咗 70 年代。)

當時興玩具地攤,未有太多玩具店舖 70/80 年代玩具鋪數目絕對比現今多，不要信何紫。

小朋友多數睇一本叫"兒童畫報"既有益刊物 仲有兒童樂園、漫畫周刊、海豹叢書等，我屋企仲 keep 住好多。

egg_studio

回覆 2# Homan

我年紀比你大少少，所以睇「千面大盜」、「五勇士」、「伏魔三劍俠」、「幪面超人」(雖然依家都有睇電王)、連環小金鋼、鐵甲萬能俠、三一萬能俠等

willywong

1976年既《恐龍探險隊》相信唔係咁多人記得，我果陣集集有睇
是首部特攝＋定格＋動畫

egg_studio

回覆 11# willywong

我曾經有呢隻玩具......

講開呢 d 特攝 + 動畫片，近代 d 仲有一套叫"科學探險隊"，即係"天山一號"



去我 website 可以睇到呢隻玩具，另外仲有一隻未影相。

Homan

嘩… 睇來玩具區有得諗啦…
我都好多玩具！

hongdonald

原來足球小將已經有左咁耐..
egg_studio 發表於 2-3-2010 05:27 PM

咁人地本名係叫阿童木(アトム)嗎...

hongdonald

睇來我玩既數碼暴龍同他媽哥池同各位玩既玩具大不同...
仲有Gameboy..

Homan

咁人地本名係叫阿童木(アトム)嗎...
hongdonald 發表於 3-3-2010 08:41 AM

正如多啦A夢以前都"只會"叫「叮噹」，呢D係70後的集體回憶…
加左個日本名就硬係覺得不倫不類…

c_Foo

係啦, 叮噹就叮噹, 小飛俠就小飛俠, 一早已經入哂腦, 後嚟改咗名便覺親切不再 ~~

egg_studio

回覆 14# hongdonald

咁呢個就係對文化詮釋嘅分別...... 當叮噹變咗做多啦A夢、健次郎變咗做拳四郎，小俠狗變咗雙俠狗，咁你可以話"人地本名係叫 XXX"，但咁講咪抹殺咗一個卡通人物響某個地方 (香港) 植下嘅文化？

咁你問自己，點解自己叫地鐵做地鐵? 地鐵係日文，中文應該叫地車 (根據中大某條茂利學者提倡，結果棟係比人 ) ；巴士應該叫公共汽車。咁點解你叫公共汽車做巴士?

你覺得小飛俠本名係叫 XXX，反映咗你對本地文化嘅無知 -- 如果你遲出世幾年，你中學要讀通識，咁你應該冇咁膠。

小飛俠英文係 Astro Boy，阿童木好明顯係由英文拼過嚟。台灣叫原子小金鋼 -- 以前 d 台灣老翻公仔書/玩具當年係咁釋。

我公司都仲有一隻倉底 o.d.m. 小飛俠手表，有冇人有興趣？

hongdonald

我xxx,我話"小飛俠阿童木"都唔x明有咩x問題(講粗口係本地MK文化來),你理x得我鐘意叫"阿童木"又好,"小飛俠阿童木"都好,你鐘意叫"小飛俠"關我x事咩,我問多次我d同學,佢地都係叫"小飛俠",而唔係小飛俠阿童木"/"阿童木",但又有咩問題?
仲有,拋書包都要識拋先好x拋..
英文無x錯係Astro Boy,但阿童木係由アトム 既平假名讀音轉化成中文讀音,我完全睇唔x到Astro Boy 同阿童木有咩x好明顯既地方拚x到出來.
我又反問你,吊頸嶺某樓盤 - 城中駅又點讀?當然,你讀法文都OK的~


[homan 於2010﹣03﹣03 20:44 修改]

egg_studio

回覆 17# c_Foo

呢 d 係代溝，C-Foo 你個女第日都係：爸爸買多啦A夢公仔比我......我話咗唔要叮噹呀~~