|
|
登記成為會員，看更多精采內容！
您需要 登錄 才可以下載或查看，沒有賬號？登記成會員
×
我喜歡看怪獸、動物食人之類電影，當看到電影 Descent (魔洞) 差 d 買飛入場，好彩睇一睇 trailer......呢套戲我響 2006 年響美國時睇咗，原來香港遲咗三年幾先上。
再了解吓點解香港會遲三年幾？原因係美國就快上（或者已經上咗）續集。香港好似會跟住上。
暫時忘記佢係套「舊戲」。以恐怖食人怪獸片（其實唔係怪獸，你入場睇過就知），Descent (魔洞) 營造到十分恐怖氣氛。同其他恐怖食人怪獸片比較，例如異形系列、Doom、狂蟒之災等，呢套戲將場景設定於全黑嘅環境（洞穴），人響裡面係睇唔到嘢，但隻怪獸就「睇」得到你。（唔透露太多劇情）。另外好睇係，六位女主角為了生存，互相出賣隊友。
至於劇情，我覺得幾簡單，總之有個洞，裡面有怪獸，咁 arm 有六個女人入咗去，條路又封住咗，又冇電筒。冇「異形」、「D9」咁着重劇情，又冇「人獸戰」系列果 d 咁怪雞兼冇頭冇尾，又冇「狂蟒之災」系列、「冒險鱷園」系列果 d 咁粗糙，定位係低成本但有質素，驚慄氣氛一流，同冇乜無謂戲情。
總括嚟講，套戲值得入戲院睇，唔好等 DVD -- 假如你屋企個電視只有 100 吋以下。 |
|
發表於 6-2-2010 18:25:56
發表於 7-2-2010 22:48:09
