尋找睡房的樂韻

alexphoto

自家中睡房那套陪伴了我五個多寒暑的mini-HiFi壞掉後,總有些失落感, 晚上躺在床上沒有美妙的音樂陪伴,總是久久未能入睡, 所以一直在找尋相關產品,但由於不想棄掉那對喇巴,所以最希望買一部mini-HiFi的主機(有CD Player, Amp, FM Tuner及Audio input)但坊間一路欠缺此類產品, 甚至想過找部二手的試試,但那些二手店店員態度甚差,也不能向我保證貨品的質量,於是打消了這念頭, 到最近看見Cambridge的One, 此正正是我要的東西, 研究了很久,又試聽過,此終覺得價錢高了點($4500可買一套Onkyo或Denon的mini HiFi)最後還是沒有購買。世事往往難料,過了數個月後有朋友向我介紹Marantz的 CR-502, 這好像命中注定的緣份, 它竟有齊我要的功能,還剛好有3組 audio input(我需要給電腦,TV Box及另一樣AV器材),價錢只是$2600, 比Onkyo最平的那套mini HiFi還要平300元。這絕對是不二之選, 可惜貨源供應不足, 所以決定今晚趕去落訂,希望早日能抱她回家

alexphoto

M-CR502

http://www.marantz.com.tw/detail.php?prod_id=43

c_Foo

Marantz 特性人聲厚聽得舒服, 節奏感好, 如果想早日抱她回家去 Times 吧, 即場可以試聽包你聽得舒舒服服, 乖乖放低銀兩.

記得去 Times 叫埋我, 想試試部 SA15S2, 正喔

Homan

睇來係時候要加個音樂/音響區…

hongdonald

即係個日去kef試個部?我都試聽過學校既馬蘭士av器材,人聲中厚,音場廣闊,聽女聲一流!

hongdonald

Marantz 特性人聲厚聽得舒服, 節奏感好, 如果想早日抱她回家去 Times 吧, 即場可以試聽包你聽得舒舒服服,  ...
c_Foo 發表於 12-1-2010 02:30 PM

SACD Player?
一早要la,仲諗既,好多發燒女聲都有SACD版本呢..

c_Foo

SACD 對我來講唔重要，最緊要係音場闊，分析好同有動態，呢部見討論區好壞參半，好多人建議不如用平些少價錢買部純CDP，所以要多走幾家聽聽睇下喜歡邊部，耳聽為實

alexphoto

昨晚已落訂, 因太興奮唔記得講價他媽的
呢部機另一買點係有得玩Bi-Amp, 但我對遺物喇叭只得1組輸入,仲要係果d張開個窿篤條線入去果種cheap嘢, 睇怕又要破材。順道請教各位ching有關Bi-Amp的詳細解說。

c_Foo

Bi-Amp 要兩部 Amp 接駁( 見圖Bi-Amp )，問題在於對喇叭要有 Bi-wire，冇既就齊入紅黑插吧。係你個 Case 相信係另有 Amp (多過一套) 將部 CR-502 作為 CD盆，令輸出 Watt 數有所提升，當然隻 Amp 有番咁上下。

，另外 Bi-wire ( 見圖Bi-wire )都好多人玩，好處 : 1.雙線分音.使用不同的喇叭線能略做調音 2.使用相同的喇叭線增加量感，壞處 : 多一組線的錢

Homan

嘩… 開始進入火星文階段，我聽唔明你地up乜呀！

講開又講，最初我睇錯title，以為係風水區的post「尋找睡房的樂趣」…

c_Foo

圖文並茂資料好齊，快 d 去補習

alexphoto

CR-502已內置Bi-Amp功能, 咁我係咪只要找對有Bi-wire輸入的喇叭即可?
咁請問喇叭線又點呀? 什麼線能提升什麼音?

c_Foo

理想的買對有Bi-wire的喇叭。

至於喇叭線，世間上有千萬種4N至8N，銀銅合金各有特性，銀線反應快中高頻提升，銅線利於低頻。玩線材最傷銀兩，只可憑實際經驗（交學費），或上網資料，最緊要鎖定budget便去馬吧。

In-Akustik atoms air 309 silver 依家用緊幾滿意，鍍銀物料聽落分析力好夠清爽$32／呎，一般喇叭線建議8~12呎長。

wongfai

理想的買對有Bi-wire的喇叭。

至於喇叭線，世間上有千萬種4N至8N，銀銅合金各有特性，銀線反應快中高頻提 ...
c_Foo 發表於 14-1-2010 08:48 PM

In-Akustik atoms air 195 silver ( MADE IN GERMARY ) 都足夠 ...

音響既野唔駛太覆雜既 ... 用咩野機 , 聽到咩野聲 ... 整定既 ...

c_Foo

整定?! 前世囉, 呢獲真係有今生冇來世

不過聽過 WongFai 所講既每一句說話都要咀嚼下先知內裡味道, "音響既野唔駛太覆雜既 ... 用咩野機 , 聽到咩野聲 ... 整定既 ... " 呢句話好似好唔負責, 但細心想塵世間咁多品牌既音響, 比你遇到又買得上手的就是一種緣份, 而聽到咩聲更加人人口味不同, 真係整定既 !

Homan

同意…　整定我都係聽雅蘭仕…

c_Foo

同意…　整定我都係聽雅蘭仕…
Homan 發表於 15-1-2010 11:46 AM

咁就唔使咁快下定論住, 你未遇到o者......

緣份呢樣野好神奇o架

Homan

係？　我隻耳仔好無taste架…　你地咪拉牛上樹啦…
我間中去下你地屋企或者show room聽兩野已經心滿意足架啦！