峰~風~瘋~豐~Fung

hongdonald

昨晚唔多舒服,可能係因為前晚比人係咁對"酒",嘔完之後舒服哂,行行下行左入新港中心~近排壓力都比較大,對自己講"民以食為天"就衝左入去呢間有好多令仔令女同日本cfoo既峰!




一條友仔,比個經理指左埋去坐迴轉位，其實我唔係幾buy呢d位,因為坐得唔舒服..

一個好既日本餐廳,應該係最基本既野都做得好食,先試試三文魚sushi!係個位叫aki既日本cfoo 即刻整比我既





好fresh~冇根!讚!日本人真係好有禮貌,我對Aki樹起手指公,突然佢90度 bow to me,好大聲咁對我講"ありがとう",我都比佢嚇一嚇!真係好想同某d食店講,呢d先係應有既服務態度!

呢舊我都唔知咩魚,見佢話今朝新鮮運到,試試先~




一放入口,入口即溶,油香久久不散,果然係正野!


炒三文魚粒sushi,見Aki係咁炒呢d三文魚粒,再好逐d逐d放上舊飯上面,幾香口,おいしい !





呢碟係咩xmas special,沙律魚子sushi,有d 搵笨!





又係xmas special,炸oyster sushi,一般水準,都係Aki即整既正d!




再encore炒三文魚粒sushi!





火燒三文魚sushi,外面焦焦地,底層夠fresh,同百佳貨無得比!正!





再來三文魚,簡單就是美!





重頭戲,特盛燒三文魚帶子sushi,大件到一口咬唔哂!外層係香口既燒三文魚,再咬洛中間,鮮嫩既凡立貝,食完既感覺
同竹中直人個個"啊~~~~~~~~~~~~~~~"既廣告無異!







d魚油仲留係個架到!正到暈!食完行番屋企陣香味仲係口腔!




咁正梗係整多份la











加加埋埋食左10碟,食完我問自己,我係真病定假病!?咁好胃口既..

鬆人時,再一次受到貴賓式招待,所有職員對我講ありがとう!!叫峰峰既野/人都堅過石堅

Homan

食魚生來講，我最LIKE係劍魚… 好好好鮮味！

egg_studio

你話果條唔知乜 q 魚，睇相應該係油甘魚(hamachi)

睇d食物相,呢間嘢睇起黎好港式,定係你除咗三文魚外冇叫其他魚呢??

Kendall_One

其實峰壽司唔算港式，只不過毒男既個人喜好，狂吃三文魚者，唔關間公司事，事實上峰壽司既性價比係唔錯既！

Kendall_One

原帖由 Homan 於 8-12-2009 13:09 發表 食魚生來講，我最LIKE係劍魚… 好好好鮮味！

同我口味相若，劍魚固之然好食，不過平價既靛魚都好好食，特別係板長既靛魚，正！次次去必點。

Kendall_One

原帖由 egg_studio 於 8-12-2009 17:40 發表 你話果條唔知乜 q 魚，睇相應該係油甘魚(hamachi) 睇d食物相,呢間嘢睇起黎好港式,定係你除咗三文魚外冇叫其他魚呢??

我老豆早多都在東京工作過幾年，佢話其實日本人唔鍾意食三文魚，係唔知點解香港人先特別鍾意食，可能因三文魚冇乜魚鯹味，易入口。日本人通常最鍾意食既係吞拿魚、油甘魚、左口魚等。我自己最鍾意食海膽及油甘...

Little^_^小小

嗰舊乜沙律仔sushi係蟹子唔係魚子呱？！ 我都覺得妳唔知道係乜魚嗰舊係油甘魚嚟～ 睇完搞到我都好想食添，好啦，聽晚收工去食日本料理先得～

egg_studio

日本人只唔食生嘅三文魚，因為三文魚肉入面有寄生蟲。

至於係乜蟲，我都唔記得。

上網 check check :
海獸胃線蟲：可使用餐者受到感染，而患者則會出現劇烈的腹痛或過敏等反應。一般海洋生物的中間宿主為保蟲宿主，牠們不會有明顯的病徵，也不會有症灶的產生。而在人體內，幼蟲黏附骨腸道黏膜或入組織，引起惡心、下痢、嘔吐、蕁麻疹，等不適症狀。

egg_studio

我都覺得係蟹子。

港女234

睇見d相就肚餓~~~~