La Bons Brasserie小評(手機圖片)

hongdonald

上星期六中午因要去信德中心上堂+買船飛，相約友人同灣仔呢間La Bons Brasserie,對Brasserie 一詞幾好奇,事後去google一check,原來係簡樸的餐館咁解

上到樓,有少少去左高級餐廳既感覺,待者都係以南亞人為主,要用英語點菜,感覺牛b!

先來一個沙律,有幾種蔬菜mix埋一齊,幾清新,開胃!



友人選擇左一個白湯,淡過猫尿,因個張相影到友人樣貌不便upload.


而送既兩舊餐包又凍又可以掉死狗,興到我相都冇影...


小弟既天婦羅蝦拚龍利柳，蝦炸粉大厚,友人試左一舊都拎拎頭，龍利柳就同荼記貨冇分別,話唔定我阿媽仲整得好食過佢..





友人既三文魚三色意粉,太油,三文油少得可憐,意粉咬感又唔好,他媽的!友人食左一半就食唔洛去了





勉強完餐後搵待者反映，跟我講左兩聲唔好意思後，又冇打折咩都冇表示!我tips都無比就走左!

conclude:茶記質素,成本應主要來自裝修同服務態度!但食物真係好一般,早知去cwb lee garden個邊d老牌steak house食好過!冇下次!

Homan

消費幾多？ 點解影到「友人」就唔出相？ 我夠成人比人影到仲要加埋字幕放上來啦！

hongdonald

$161兩位

egg_studio

下次響門口映多張相,費事唔覺意行咗入去。 一睇碟飯嘅造型--將 d 飯 "cup" 做圓柱體,就知九成響度充大頭鬼

Homan

香港人口味係比較鐘意三文魚，的確係不爭的事實。 不過吃多了，發覺真係靚的吞拿魚、劍魚都係非常好好的選擇呢！ 三文魚我反而like 煮熟的！

egg_studio

好多年之前響加拿大，有一條河 (唔記得叫乜名) 每年都有三文魚從大海游到河嘅上游產 egg ，響河下游處有間餐廳，你一 order 三文魚佢地就即刻響河入面捉一條上黎即切 (響產 egg 季節，條河 d 三文魚多到可以用魚疊魚黎形容)。

我試過果 d 三文魚後 (果 d 係野生阿拉斯加種) 我唔會對香港或者日本果 d 挪威人工三文魚有任何興趣，因為 d 味道真係兩回事。

魚方面，我喜歡油甘魚、吞拿，劍魚就睇肥唔肥。

Kendall_One

原帖由 egg_studio 於 8-12-2009 19:13 發表 好多年之前響加拿大，有一條河 (唔記得叫乜名) 每年都有三文魚從大海游到河嘅上游產 egg ，響河下游處有間餐廳，你一 order 三文魚佢地就即刻響河入面捉一條上黎即切 (響產 egg 季節，條河 d 三文魚多到可以用魚疊魚黎形容) ...

口味相若，睇黎搵日我要同KAYWONG和HOMAN狩獵好食既油甘同劍魚........

Homan

就呢個星期五，打邊爐之餘再去板長order外賣？　kendall係唔係來？

Kendall_One

睇下我另一個同事可唔可以同我調更先`決定到

hongdonald

你地既口味真夠牛b