強績金問題

egg_studio

尋日同一位同事傾開強積金,佢今年得21歲,做咗兩年野,個MPF得萬多d。

佢因為怕死,所以放晒落保本。

咁我就同佢講,依家趁d基金價格未起(其實我唔知係咪真係未起,因為我隻HSBC中國股票基金未起,所以當其他都未起),同一筆供款可以買多d單位,咁第日大市起番就賺嘅錢多d。

我嘅論調係MPF係超長遠投資,而歷史上股票係一直向上升,所以趁平趁早入都係一件好事。咪叫佢轉晒做高風險果乍基金。

另外,我先幾日將我自己MPF分配改一改

原本:大中華威力60%+進取基金20%+香港股票基金20%

依家:大中華威力60%+香港股票基金40%

理由係我相信中國經增長應該冇先幾年咁高,反而資金/熱錢冇嘢做嘅時候會流入d成熟d市場,例如香港。所以我會將香港嘅比重增加番。

亦因如此,如之前個post言,等HSBC中國股票基金見$80就慢慢走啦。

另外見有隻叫健康護理基金,先一年睇過d介紹,呢類行業又點睇?

大家意見如何?

[ 本帖最後由 egg_studio 於 2009-8-14 12:09 編輯 ]

Kendall_One

健康護理基金都係睇準全球先進國家既老人比例不斷上升，日後對各項保健醫療產品既需求都會急劇增加，但收成期絕對唔係呢幾年，甚至十年八年既事。情況就好似投資再生得源既基金咁，買佢時前景，但一旦買入，就耍有心理準備持有十年或以上才會有理想既回報。

Homan

基本上MPF 同基金都係一項長線投資，所以如果認為項目有前景的話，不妨趁現在就把資金投放。