AAE 梅窩至貝澳 Adventure Race 動後感

Homan

今次是小弟第一次參加既要下海（海水到胸口上下）又要上山（攀石澗及海岸綑邊）的 AAE event。首先是路線，今次路線首先是由梅窩碼頭出發，沿馬路跑（步行）400米左右開始上山，大約上攀100米左右開始跑山路。
昨天氣溫不太高，由沒有猛烈太陽，加上濕度亦不高，所以相對舒適。
路線有點像麥徑上天梯後的第4段，大約跑了6﹣7公里，開始進入貝澳沙灘，亦是比賽最有趣部份。
首先在沙灘跑到中間的水站，由於小弟沒有帶任何水樽的關係，加上汗水滴進眼內，所以到水站立即 KO 了一樽水（主要沖眼）和一樽 Bonaqua。
由於沒有帶手錶關係，當時我只能估計約用了1小時左右。
可能喝得太多關係，在水站起步跑沙灘時有點乏力。後來，到了石灘，原來是要浸海水沿岸線行！

Homan

我寫左一大篇做乜食左無左一半？！

Homan

由於石灘上附著很多殼而我又沒有帶手套，加上海浪一直拍打，所以亦只能小心奕奕地前進。
跑了一個多小時的山路後，再浸在冰涼的海水中感覺也不錯啊！
大約綑邊了十分鐘左右，就再次上岸，在碎石灘上進發。由於石塊比較大，加上石頭多是圓卵形，所以也只可以慢速跑。
在碎石灘上跑了大約十分鐘，就右轉沿澗上山。
澗的難度不算很高，除了中間有三幅石牆，但AAE 都落了攀岩繩，所以只要小心一點基本上問題不大。
大約沿石澗上行廿分鐘左右，就回到馬路，及沿山徑回到剛才的石灘及岸邊，和幾個參加者一起走，其中一個告訴我還有十分鐘就兩小時，所以又激起小弟的小宇宙，再一次在碎石上跑，及在海邊綑邊，再在最後大約200米的沙灘上推進。
鼓起最後的體力，小弟終於以1小時59分17秒衝過終點，其實小弟並沒有手錶，衝線亦沒有理會時間，不過又估不到可以在兩小時內完成。

大家有機會真的要參加一次，只是12km的賽道，有公路跑，有山路跑，有澗，有綑岸邊，有小量攀岩及繩網，只係百幾兩百報名，仲有件衫，終點有啤酒汽水… 正啊！

egg_studio

呢次好似係第三或第四次參加，所以都幾熟條路。

大開頭上山果段，如果起跑時唔快跑 -- 不是一般快，而係好快果隻 -- 一定爭唔到頭，唔就會逼響山腳打蛇餅。因此我起步時慢慢走，去到山腳慢慢排隊，然後上到山先開始輕 jog。

最後 2hrs 22mins 完成，慢過上年成 7 mins，不過全程好輕鬆。

Homan

你兩個同事感覺如何？
我都毒緊 kendall 玩

egg_studio

佢到今日都返唔到工......

其實開頭 8 km (即去到水站前) 我都同佢地一齊（所以今年慢了），入到石灘後因為過唔到石，我唯有唔等佢地。

另外果個 friend 就 1hr 43 mins

Homan

返唔到工？ 咁大劑？ 無野嗎？

taxirunner

有冇玩昨日DBAY賽事？
辛苦到想死呀！

egg_studio

taxirunner 發表於 7-5-2012 10:29 AM
有冇玩昨日DBAY賽事？
辛苦到想死呀！

因為去完雲南後大腿未回復，所以費日只係行山 -- 上山行、落山快步（唔 jog）、落水就慢慢浸，浸夠先上水，最後海灘一段直頭背泳游過去，水都費事上。所以搞咗 3hr 先返到終點。，

Homan

小弟昨天有場足球盃賽決賽，所以無去到…