「礦場 Z」-- 鮮為人知，但人來人往的礦場
之前有「礦洞 X」、「礦洞 Y」，明眼人一睇就知會有「礦洞 Z」，不過，呢處不是礦洞，而是只作露天開採的「礦場 Z」。幾年前我及隊友將三個唔肯定存在或不存在嘅礦場備案調查，但因為太多嘢玩，所以呢三個礦場一來規模小，二來官方冇紀錄（例如「礦洞 Y」）或者唔肯定有冇正式開採（例如「礦洞 X」），所以要等到封咗關，冇地方去，先從籠底搵番呢三個 file。
「礦場 Z」位於人來人往嘅香港四大行山徑之一，唔係山徑旁邊，而係行山徑穿過礦場，咁樣都會幾十年冇人知！？所以，就算有當年政府批文，都有機會冇開採過。後來，搵到幾張舊照片，睇到有建築物，又有舊報紙報導，但由於牌照冇註明礦場名稱及地址，只有座標，所以未能確認就係照片及報導所指的礦場。
直至到現場，從山腳至半山都搵到露天開採痕跡，確認了礦場的真身。
所以，今次「礦場 Z」唔駛揼波鐘，有興趣知道係邊度，就睇睇我網站啦~~~~
（橙箭咀）山上一片大岩壁，今天仍清楚可見。（紫箭咀）產生壓縮空氣予風炮用的鍋爐。（黃箭咀）輸水管，今天已有新管在旁邊，但舊管的石躉仍在。
用礦石堆起的石牆及工作平台。
礦坡。
如果冇睇我網站：都響呢度開估啦。
「礦場 Z」是位於今天的的牙鷹角，山腳的開採地區和辦公室、碼頭等，就被今天的鳳凰徑穿過，換言之，當大家去牙鷹角營地露營或行過鳳凰徑時，其實大家訓響或穿過了礦場。
奇就奇在，咁明顯嘅地方，坊間之今冇人留意到。
有興趣可睇埋片，當然不要錯過我網站詳盡版。
iy2Cm7XYUB0
拿拿臨過去網站睇埋下集先 勁!!!
多謝分享 話咁快就更新！ 支持，謝謝分享！ 多謝師兄分享 新發現呀，原來水澇漕係礦場:D 謝分享 謝謝分享 還有沒有更多礦場設施在這裏發現？ 野孩子 發表於 12-2-2022 10:25 AM
還有沒有更多礦場設施在這裏發現？
根據牌照，仲有一個牌發響附近，但唔似有開採過，留待稍後有機會再探。 睇份報紙寫話礦場範圍內豎出若干高約3呎、以白地黑字書「香港礦產公司」字樣的地界辨識碑
樓主去考察時有無發現類似嘅嘢:o 有睇過報導啦，梗係乜都冇啦！ egg_studio 發表於 27-2-2022 11:13 AM
有睇過報導啦，梗係乜都冇啦！
可惜可惜:'(
支持支持！感謝師兄分享。
頁:
[1]