《尋找一百年前：沙田吊車》
路線：顯徑站＞舊煙墩山火車隧道＞徑口路＞沙田吊車石躉遺跡＞福來別墅＞沙田嶺路＞大埔道七咪半公園＞大圍站沙田都有吊車？係！不過已經一百年前嘅事啦，而且唔係你同我可以坐到。先講前事，最近有外國文獻類似回憶錄咁，講述一位工程師回憶當年來港協助九鐵興建煙墩山火車隧道，大約為1906年，當中有好多珍貴資料，我就只集中講下「沙田吊車系統」。
沙田仍未開發，工地一直受瘧疾影響，當時註場醫生建議搬往高地作為宿舍會比較好，當時在沙田設有高地宿舍，亦為咗方便員工往返隧道口工地，於是有吊車系統出現。
文獻記載，沙田吊車系統長2800英尺（約850米），高度置於400英尺山上（約120米高），於是利用數碼地圖，由舊煙墩山火車隧道沙田隧道口，拉一條850米嘅線，而終點要係一個大約120米嘅小山坡上，終於有所發現：在大埔公路旁雞記台附近一個山坡。
由大埔公路經山坡維修小路上去，就見到一個個正方柱體，佢地就係吊車石躉遺跡，柱體平面各長75cm，不知埋下地底有幾深，整個平台共有大約二十個，整齊平行排列，當中有兩個正方體特別大，大樹同佢爭持中，再細心附近搜尋，發現還有一個貯水池，但未知是否有關連。
不過謎底未解開，現場所見，平台不足以興建宿舍，亦未見有地基！如果往上沙田嶺路走，山勢十分陡峭，今日我要手腳並用才能爬上去，唯一可能係雞記台，由平台下山落斜去就可以，我個人覺得未必係沙田嶺路一帶。
搵到（估算到）完整走線嗎？
我都睇過吊車的照片，睇落似以前長江渡江果種吊車（唔係依家重慶果部），估計中途冇支撐及轉向，你認為呢？ egg_studio 發表於 6-1-2021 01:33 PM
搵到（估算到）完整走線嗎？
我都睇過吊車的照片，睇落似以前長江渡江果種吊車（唔係依家重慶果部），估計 ...
同意直上直落
不過我仲未推斷到宿舍係邊。福來別墅個位好早的地圖已經有，但我想像吊車落車再上去都幾斜下，雞記台都有可能
我再上去找，未再發現有古躉，而呢個平台的石躉多，似總站 根據吊車照片（其實未肯定係咪果架吊車），留意鋼纜斜度，睇落唔算斜，因此估計宿舍車站響稍高過隧道高度 最近都有睇過行山網誌關於此路線，先知原來沙田以前有吊車。 Thx for sharing! 多謝分享
頁:
[1]