位於深圳但屬於香港的建築物？
最近無聊發現官方地圖顯示有2座建築物位於深方，於是再對下其他政府地圖以及iB1000數碼地圖。結果又係有顯示呢2座建築物以及佢既資料。趁得閒就北上一次揾下呢舊野係咩料。其實唔同既政府地圖或不同年份既官方地圖以及記錄建築物資料既iB1000 數碼地圖都有以上建築物資料，所以就應該唔係地圖出錯。以下就展示左不同既政府地圖都有顯示呢2座建築物既情況。
2018/06版本官方地圖
2013年版本官方地圖
2012年版本官方地圖
HK80 Basemap
LandSd 地理資訊地圖
My Map HK
而iB1000數碼地圖亦有顯示建築物所處高度以及天台既高度。
最近有空現場考察，結果顯示位置（深圳盤山公路旁）的確有2座建築物
行近就見到瞭望塔已經荒廢
瞭望塔旁就有一個唔知通去邊既舊閘位
而另一座建築物就係附近街燈既變電站，該火牛於2001年11月製造
由大陸網站街景所見，路邊既鐵絲網都係近年先興建。
個人諗法係呢座塔會唔會係舊時不知名耕作口既遺跡？
唔另開Post講，呢2座建築物附近有一個軍營。軍營本身無咩特別，但係佢原來坐落係前屬於香港既土地。
軍營所在位置
翻查過往既地圖，去到80年代仍然有政府地圖紀錄呢一片土地。
1969出版既L884地圖清楚顯示呢一片土地係屬於香港
而1983年地政署出版既香港街道與地區顯示呢一片土地仍然係香港屬地。
iC1000 亦有顯示政府曾經收回新桂田既土地以實施邊界既管理線。
揾到一份立法會既文件，呢件事係係2003-2004年間發生
根據當年簽署既展拓香港界址專條，定明深圳河以南為香港既土地。但係新桂田呢塊地位於深圳河以北，咁咪同原本訂立既條約有抵觸？
即是，因為唔知點解，60年代起鐵絲網時，起咗響河以北約100米地方？
睇番條約，冇寫到「深圳河以南」之類字眼，及根據呢張地圖，係拉直一條線。（以下2圖只係求其上網搵到，未證實真偽）
關唔關多年前深圳河治理工程之後重新劃界呀? 果時有D中>香、有D地方又香>中 egg_studio 發表於 10-9-2018 09:20 AM
即是，因為唔知點解，60年代起鐵絲網時，起咗響河以北約100米地方？
睇番條約，冇寫到「深圳河以南」之類 ...
因為立約果陣，都仲未傾到條新界的界線係邊，係幾個月之後先至傾手掂數。 leonkin 發表於 11-9-2018 01:40 PM
關唔關多年前深圳河治理工程之後重新劃界呀? 果時有D中>香、有D地方又香>中 ...
深圳河治理工程一到四期都無搞到蓮麻坑個邊。而河道拉直工程導致深港兩方“大面積”互換土地既情況只有係現時羅湖站以西（大沙落）與深圳站西面以及落馬洲河套區發生。
AnsonNgNg@FB 發表於 11-9-2018 06:49 PM
深圳河治理工程一到四期都無搞到蓮麻坑個邊。而河道拉直工程導致深港兩方“大面積”互換土地既情況只有係 ...
明白哂:)
頁:
[1]