炎炎夏日遊煤灰湖 + 少少歷史
炎熱天氣警告下，當然係烈日行山好日子。先去 2013 年去過嘅曾咀洪聖廟做次舊地重遊，順便搵路去煤灰湖。2013 年，仲可以揸車入去，依家入廟條路已經行生滿野草，又泥濘又碎石，一般私家車入唔到，好彩今日「最高領導」派出 SUV 先順利入到去。
另看：龍鼓灘曾咀洪聖廟
點解要去煤灰湖？冬天時去過兩次 T Park，見隔離有兩個煤灰湖，一個乾塘、一個有水，起初以為屬發電廠範圍，問問職員後，原來三個煤灰湖早響好多年前已經「停運」，並於幾年前交還政府，而 T Park 正興建響其中一個湖上。（亦因為咁，本來要加嘅閱讀權限都冇需要了 ~~）
夏天來臨，香港受霧霾影響減低，加上「路唔通 + 閒日 + 炎熱天氣警告 = 鬼影都冇」，正好係遊湖好日子。今日連平時總會遇見嘅蛇蟲鼠蟻都冇，冇鳥語，也沒有花香，只有隔離地盤傳來打樁聲 -- 因為另一個煤灰湖正起緊政府骨灰庵。
更多照片及文字紀錄，請看 egg studio 網站：https://www.eggstudio.com/西部煤灰湖/
留意牌上文字內容 -- 由於煤灰湖已不屬發電廠，所以冇「不准進入」、「嚴禁擅闖」等等，淨係話鐵絲網係佢地財物。不過，通往湖嘅馬路入口仍屬發電廠範圍，所以要行小徑到達，不要 / 不需破壞鐵絲網。
應該係湖嘅集水設施，響湖邊都見到有相同嘅嘢。
從洪聖廟行過去條路十足 Walking Dead。
用石棉包裹嘅水管。
岸邊係興建中嘅骨灰庵，右邊係 T Park，遠處隱約見到深圳灣大橋。
環湖舊馬路。
又嚟舊照片時間：
據政府資料，煤灰湖響 80 年代填海填出嚟，又睇吓各個年代嘅衛星圖（Credit : 「官方地圖」及 Google Earth Pro）
2017 年。
60 年代，見到洪聖廟一帶係曾咀和湧浪村落。
1993 年，左邊興建發電廠，可見三個煤灰湖及堆填區。另外，留意一下中間橙色建築，究竟係乜呢？請留意稍後探險報告~~~
2003 年，中間湖儲水，東邊及西邊湖只有少少水，近乎乾塘。
期待探險報告！ 2003變咗白色， 2017好似密林遮咗 ? 多謝分享 本來上星期會去多次，但天雨關係，可能要今個星期先去多次。 小徑單車入唔入到? 勉強可以，入去果條路有泥濘及碎石，要有爆呔準備。 師兄，集水設施易搵嗎？沿路有狗隻出沒嗎？是否原路折返？ 集水區唔難搵，沿住釣魚人嘅路就去到，可以環湖一圈。 至於野狗，任何地方都有，只係多或少，同埋你識唔識處理。 收到，些些。 決定依幾日抽時間去走轉。
頁:
[1]