考察報告 -- 往地底深處的高峰
「往地底深處的高峰」？地底高峰？看似矛盾，不過若有追開大笪地探險版，應該知道講緊邊度~~報告仲寫緊 -- 有追開大笪地探險版的話，應該又知道前排得到前官員提供資料，到後期得到鄉郊勢力拔刀相助，以致可以「攞正牌」考察，亦因為「攞正牌」，要正式寫番報告，因此，正式 post 要稍等，先出住幾張相同各位交待一下。
地點：稍後報告會公開，中英文版都有。
溫馨提示：若平時響呢度抄資料嘅傳媒朋友 / 雜誌 / FB group 見到此 post，留意若冇鄉郊勢力拔刀相助，地區人士會先放狗咬你，之後先報警，然後再砌多條罪俾你（例如：話你偷沉香，仲會有人證）。
係一隊人入，每個人負責不同崗位，加上地方人士配合先搞得搞。
補充一下（不過呢啲資料都會寫響稍後報告內），有村民表示，當時上下洞都未試過發生死人嘅意外，但響50及60年代分別發生過幾單意外，包括一單當時震撼全港（連續幾日報紙跟進，之後一年大事回顧又提番）嘅「雙屍發現案」。
查了50-80年代報紙，從冇死過人事件。封洞並非如網上誤傳，因為死過人而封，係政府唔想有人及家畜走入去而封。 今日又得到村民提供關於「封洞」資料，上洞及下洞（東洞末端果個出口）係響 1955 年封，仲有當時果位泥水師傅資料！響 1955 年前，上洞有一米高嘅磚牆，係響 1948 年起，防止遊人及禽獸走入去。
1955 年後，上洞得番一個洞，可以拋石仔入去（我當年都拋過），至 2014 年，政府連個拋石洞都封埋。
所以，可引證，網上傳話 60 年代有人死過，所以政府封洞其實是誤傳，因為 1955 年已經封咗 lu。
因為有傳聞（1950至1990冇舊報紙有呢單新聞），60年代下洞曾發生意外，所以當年政府將上、下洞封咗，上洞起初用鐵枝係咁咦攔住，果陣好多人會照入，之後用兩米磚牆封，但唔封到頂，所以仍然可以爬入去，到近十幾年先封上頂。我稍後查查舊報紙睇吓有冇當年意外的報導，因為響網上（除咗大笪地外）關於呢處嘅資料絕大部分都係錯。 真係識人好過識字。 睇你幅圖好似已經行曬個礦洞？ 欠水下一段，但從整體結構及下洞經驗可推斷出結構。 因為開頭冇預計到呢度咁「高峰」都有水下一段。 egg_studio 發表於 3-6-2017 10:57 PM
因為開頭冇預計到呢度咁「高峰」都有水下一段。
若然"一樓"所有通道相連的話,真期待打通經脈時决堤一剎那既畫面~
正門入洞後貫通三層既斜道
所以響地圖上，我畫咗係唔通，而下洞蝙蝠壁及銀礦壁都有類似結構，分別只係上同下，不過，又可以咁諗，就係磚牆後直井果層其實係下洞嘅上層，所以只有好短嘅左右兩邊，咁結構及方向都同蝙蝠壁及銀礦壁一樣了。 但係點解要結磚封咗佢呢？ 經量度後上洞"二樓"總長度約為310米
睇番照片及 video，估計浸水及冇浸水部分唔相通。冇浸水部分屬於下洞結構，同蝙蝠壁及銀礦壁一樣。 介紹精彩。 蛋哥利害咁都俾你入到! 期待遲d的報告! 蛋哥利害咁都俾你入到! 期待遲d的報告! 正! 上洞係我細細個就想入既地方，而家你幫我了左個心願，我死而無憾喇 雙屍發現案， 結果有無破案？ 有，案情係，條友講大話，根本冇事發生過！ 原來如此。!
頁:
[1]
2