坪洋芒草金黃時……少年人的夢……
尋日快走流水響水塘、坪輋、坪洋 XC，去到坪洋時，被一對少年攔截，問「請問點樣去睇芒草？」佢俾部手機我睇，係一張響坪洋嘅芒草例牌相，相中芒草好金黃，好靚好詩意 ~~~ 不過奇怪係，我經常踩呢條路，啲芒草「夠期未」當然一清二楚，咁我問：「少年，你張相響邊個網站 download 㗎？啲芒草有排都未黃㗎喎！」
少年：「我朋友 send 俾我！佢尋日先嚟過……」
我：「咁你張相應該 PS 咗啦，你眼前就係你想睇嘅金黃色芒草啦！」
今日所見，坪洋 XC 路嘅芒草係咁㗎：
不過，其實尋日現場環境係咁樣：
所以，睇芒草冇季節之分，大家唔駛專登同人迫！同埋，據我呢啲地頭蟲話你知，睇芒草最好響二祭之前，趁未打草，咁就有成個人咁高。相中已經係二祭過後，打完草生番出嚟了。
其實個天變到「瘀」晒，但平時對顏色唔敏感既人的確唔會覺有咩分別:P 地頭蟲又有冇踩到遇蛇呢？
話說上次恐龍坑「劈草」到咁上下好似係咁聽到蛇不斷吐舌既聲 吐舌聲都聽到！？條蛇應該唔細喎。 聽到「時～時～」，雖然唔敢肯定，但都完全唔敢落地，即刻返轉頭 旦兄你呢度講既就係白茅嗎？
乜嘢「白茅」？唔明，講白啲。
頁:
[1]