「捐窿捐罅」遊粵北（四）：通天籮、廣東大瀑布
之前去咗幾個地方，可睇番：
「捐窿捐罅」遊粵北（一）：核戰避難所、鐵礦洞、鐘乳洞
「捐窿捐罅」遊粵北（二）：南華寺、必背瑤寨、楊溪水水庫
「捐窿捐罅」遊粵北（三）：神秘圓形
通天籮
之後繼續往西面走，響「神秘圓形」附近嘅係荒廢景點「通天籮」。
通天籮響 1981 年被發現，但近年經已冇乜人去。我地去到時，得一個似係管理員嘅少年看門口，連售票員都冇。之前響山腳問路時，村民都話通天籮冇嘢好睇，叫我地慳番啲體力（唔好踩上山）。不過國內網上就評為「遊人稀少，值得一遊」，所以唔理三七廿一，去咗先算。
通天籮直徑 73 米、深 100 米、底部直徑 140 米、呈倒轉梯形嘅下陷山洞（請參考「喀斯特漏斗」）的。向下望，洞底比洞口闊，仲生咗個密林。不過，冇路向下，唯一落洞方法就係游繩。
洞外有一間人去樓空嘅「科考探險基地」；幾年前，仲可以簽生死狀後，自備工具入洞。依家基地已荒廢，你可以隨便入去玩，不過跌咗落洞死咗就冇人知。
洞好大，大到。用一般手機或相機影唔曬。上圖以手機全景模式拍攝，拍唔到真實氣勢。
廣東大峽谷
另一個景點廣東大峽谷比通天籮好啲，因為至少未執粒，不過都屬「遊人稀少，值得一遊」，話唔埋過多幾年，一樣執埋。
正門已經頗殘……
入去行一分鐘左右，就見到大瀑布，十分有氣勢。淨係睇呢條瀑布，加埋冇遊人，已值回票價。
瀑布高二百多米，可遠觀，也可走到瀑布底，感受水沖下來的隆隆巨響。呢張相，唔係 out of focus，而係手機鏡頭被瀑布水彈濕曬。
從山頂行落瀑布底途中，根據地圖，呢間係「電站展覽室」-- 原來已經荒廢。
落到瀑布底，繼續沿水流向下行。
中途會經過幾個細啲嘅瀑布仔，不過一樣好壯觀。
近景係引水道，遠處直畢甩係纜車路軌，俾遊人睇完瀑布坐纜車上番山頂。
不過，纜車已執粒，結果係要行番上去。
行千幾級樓梯（ 1368 級樓梯），上到山頂另一邊，睇曬峽谷全景。（一樣 -- 手機係唔夠闊）
通天籮及廣東大峽谷呢兩個景點，有興趣去就快手，否則幾年後應該執埋。
大峽谷早十幾年(2000前後)跟屋村旅行團去過,
印象中極偏遠, 坐車都要兩三個鐘,
當年多人去, 會有村童作小導遊, 當然尾段上山索道亦正常運作
不過, 天然景點咁樣荒廢真係別有一番風味 幾正啵
有無地方扎營過夜？ 5542 發表於 13-1-2016 02:04 PM
大峽谷早十幾年(2000前後)跟屋村旅行團去過,
印象中極偏遠, 坐車都要兩三個鐘,
當年多人去, 會有村童作小導 ...
以前香港有旅行團去，近年冇乜聽過，可能耐唔中會有「乜乜美食之旅」會搞，但應該成唔到團果隻。
荒廢雖然另有風味，不過好似通天蘿咁，觀景台前越生越多樹，就嚟乜都睇唔到……
頁:
[1]