皇后山趣聞
因工作關係，前排收到關於一單皇后山軍營嘅趣聞。話說幾星期前，本地幾間官津學校同本地某藝術工作者（唔係我）合作，帶一班學生到龍躍頭文物徑考察及創作一啲視藝 project。
呢位藝術工作者帶學生到龍躍頭，經村民帶領，從「村民通道」（請爬本版舊 post）入去皇后山軍營「考察」及「創作」。
起初，藝術工作者抱疑，問村民：「好似唔入得㗎喎？」
村民拍心口：「有我帶住，冇問題！」
入到軍營後，發現大批警察（應該係做緊訓練），結果村民及藝術工作者被捕，學生就因為牽連幾間官津學校 + 確認佢地唔知頭唔知路，所以放行。
而新聞當然不會報導 -- 一貫新界北區傳統，冇新聞。
所以，大家探險時一定要循正途申請（又請參考舊 post）……
爆趣 ;P;P;P;P;P 大家都無錯，錯在搵錯人帶路 XDDD 爆笑... 土豪鄉紳仲係停留在新界佢地大x哂果個日子？ 咁有趣 果位村民會唔會太老定XDD
但係我聽過有朋友見入面有人曬衫,唔知會唔會又係村民呢 YuYeung@FB 發表於 14-5-2015 11:42 PM
果位村民會唔會太老定XDD
但係我聽過有朋友見入面有人曬衫,唔知會唔會又係村民呢 ...
村民都分好多種……有啲真係響度住（陀地）、有啲所謂「村民」，大時大節、有節目先響市區「返嚟」。
我想問, 如果警察拉佢地, 會告咩罰?? 皇后山最近去過兩次, 一次獨行, 一次結隊, 但已清拆得七七八八。 非法進入官地 罪名嚴重碼, 是否只罰款, 還是要入獄 ?? ShingWong@G 發表於 21-3-2016 12:31 PM
罪名嚴重碼, 是否只罰款, 還是要入獄 ??
應該票控罰款啫
http://orientaldaily.on.cc/cnt/news/20111003/00176_099.html
署方可用《簡易程序治罪條例》檢控，罪成可被罰二千元及監禁三個月
當然，以上只係最高啦，正常都係叫你走就算 明白, 唔該兩位師兄。
頁:
[1]