炒黑蜂 + 蛹
早前到國內，去到「山卡啦」餐廳，唔知點乜嘢「食送」，所以請老細揸旗，介紹幾道當地名菜。於是除咗一般果啲山水豆腐、新鮮油菜外，老細介紹炒馬蜂蛹，話好嘢，於是叫一碟。當時我多口，話既然有蛹，不如炒埋隻蜂落去，老細諗咗幾秒，話好！於是碟上有蛹又有蜂。食完發現好食，比禾蟲、炸蠍子、炸草蜢香好多，大概因為成隻都係蛋白質，冇蠍子咁多殼，又比禾蟲同草蜢好肉多。
埋單後，同老細吹一陣，原來起初我聽錯「炒蜜蜂」，其實係「炒黑蜂」。老細話，黑蜂好毒，針兩針就瓜得，所以採嘅方法係，請廉價外省勞工上山採。聽完後，食落都有血有淚。
除炒馬蜂蛹外，另一味地道菜係油炸山坑魚及田螺煲走地雞（不幸，冇相），一樣好食。
呢間餐廳雖然位處山卡啦，但值得一去！
毛見識:@背姐向天就食得
既然呢間餐廳雖然位處山卡啦，但值得一去！
咁仲唔出地址介紹下？ 餐廳張卡片，只有餐廳名及電話號碼。中國好大，有啲地方冇地址㗎。 重口味！ 學到野:victory: GroupWebike(@G 發表於 8-12-2015 09:54 PM
重口味！ 學到野
食過你就知好嘢！
本帖最後由 GroupWebike(@G 於 9-12-2015 11:34 AM 編輯
以前食過一串炸草蜢,
除左咬穿腹部, D汁液響嘴裡面而起雞皮之外:Q
其實好似冇咩味道?
果次記得主要味道黎自油炸調未料 黑蜂基本上成舊都係蛋白質，十分香。
草蜢就未食過，炸蜢就好多年前試過，你可睇番昆明街邊燒烤檔。
頁:
[1]