怪力亂神 － 開車疑似撞鬼！
好啦…其實係一次親身的經歷 https://ci3.googleusercontent.com/proxy/5UrdMrqRWmnClQPiTY-DAezwGxSgSHMqv9we2lv5ciNmuWxdaY2lIJLXF7ZEnrGWDzBTx1Ru1eVV1iMUmi0jvH2yRB-kXWWhQueFRw=s0-d-e1-ft#http://go2nature.net/forum/images/smiles/icon_pale.gif ，無花無假。
不過係唔係鬼故…我就唔知啦！
大約2000年左右，我有一個朋友叫「周身」果陣o岩o岩考到車牌，連同另外兩個中學的死黨(其中一個當時已經當了差4-5年)驅車周圍兜。
時間係凌晨兩點至四點左右(實際時間唔記得…)，先後兜過沙田坳道、飛鵝山咁… 之後兜兜下，唔覺唔覺，兜左去油塘一帶…
當時油塘果邊對我黎講係一個好辟的地方…
o向果度兜兜下見到有上山路口，諗住可能有路去d好似飛鵝山之類高一d又特別d的地方，咁咪駛入去睇睇囉…
兜到入去唔係好耐，發現有個回旋處，原來係墳場入口！
大家面面相覷，諗下諗下，都係啦啦臨兜返出去啦。
條路好靜、無街燈、我地亦都無開收音機。
差不多出到路口的時候，竟然見到兩男兩女在路邊！
佢地都著住「正常」的衣著，不過唔係好有印象。
一男一女坐在路邊，一個男的站在他倆身邊；另一個女的，站得比較出一點，
白T恤、牛仔褲，「清湯掛麵」的頭髮，徐徐地向我地架車揮手！！
我好記得，佢地全部都係目無表情，當時我同周身等人應該無諗過咩邪門野，
反而收到架車好慢好慢，車內其中一人仲話：「唔通佢地壞左車？」
我當時都只係一心好奇，因為我坐在司機位的旁邊，所以係最接近「佢地」。
正想打開窗之類問一問發生咩事之際，車中當差的那位說：
「走啦…佢地想點我地都幫唔到佢地啦，我地架車又無位…」
當時我地好似突然「係喎！停又點o者？」的心態，慢慢的離開。
但係果幾個「人」動作、表情仍然都係無變過…
當時其他人點諗真係唔知，淨係問過周身，佢同我一樣都係無諗過有咩怪力亂神的事，所以當時都唔係點識得話驚唔驚…
反而好想問番當差的果個朋友，問下佢記唔記得呢件事…
不過，我地好耐無見佢啦都…
究竟，當時我見到o既「人」目的係咩？
果一帶附近印象中當時係冇咩好近的住宅，而且半夜三更…
唔通係d大學生O'Camp玩嚇人之類的惡作劇 https://ci6.googleusercontent.com/proxy/wDHo3JDJk2buTJsYIpCITZLFfUDgLFhZ7kyJkBBgvWdyJi7rjH4mSXuvs6qF3yI9m5OB_c2GVb9jser5L68E6rU51fF2ia4c82gTOm6BMx2LYIo=s0-d-e1-ft#http://go2nature.net/forum/images/smiles/icon_cyclops_ani.gif ？
真係唔知………
d 相睇唔到。 可能因為近墳場，諗多左啦，你地四/五個人個個見到？如果個個見到就更加唔係。
大老山都比人發現有人放紙紮公仔渣車嚇人啦
油塘近墳場，係咪將軍澳墳場？如果係，附近係有村既，重好近墳場。 我響和合石都見到鬼妹傳教啦。 其實墳場真係有好多閒什人, 點只鬼妹傳教, 行山, 踩單車, 影相, 打野戰.......
包羅萬有, 各式其式。
頁:
[1]