初探新版 Google Map 7：有嚴重問題，請小心使用，或不要更新
尋日 Google 推出新版 Google Map，今日我部電話及平板就自動 update ，因為開啟了 auto update。若你未 update，請先睇呢個 post，先決定應唔應該去馬。
首先有三樣功能冇咗：
1) Google Latitude -- 依家整合咗去 Google+
2) Offline map -- 冇左!？
3) Location History - 據 Google 講，話整合咗去 Google+，但唔見有。
另外發現大小問題各一:
1) 我求其 search d 嘢，地圖上冇嘅地方，例如古洞水塘(Google Map 上一向都冇存在過呢個地方)，就出美x物業。
2) 新增 Bicycling,報稱顯示單車路線，不過顯示出嚟大部分係屬於郊野公園嘅非法路線，而真正嘅單車徑則不會顯示。若跟住地圖行，好快就法庭見！
之後若想報告錯誤，就出以下畫面。
所以，若你未 update,三思而後行！
Apple 比左錢 Google 要佢個 map 差D，拉近兩者距離？？ 嘩,差都無論...差都無能用 係個地圖軟件有問題，而地圖 database 應該冇 update 過，除了古洞水塘外，若你響北區search 單車鋪/單車店亦有缺漏。
此外，driving direction 亦有錯，有d淨係人行嘅路地圖都以為車入得。亦有帶你行禁區(未解禁路段)，除咗單車友要警惕外，揸車都要份外小心。 我冇set auto update, 我唔update著.
今日踩完單車，對比路線後，又發現另一個問題。
若以 Street View （街境圖）顯示一條冇街境圖嘅道路，例如今日經過嘅小坑村村路，舊版 Google Map 會出現灰色人仔，表示冇街境圖。而新版不會，只會顯示附近有嘅地方，所以，一不留神，又會行錯路。
圖 A：點選天平山和小坑村之村路，左上角顯示地方名及街景圖縮圖圖示。藍色為點選位置，紅色為實際街景圖位置。於圖 A 畫面上，不會提醒你此地方（藍色）沒有街景圖。
圖 B：按下圖 A 左上街景圖縮圖圖示後，顯示出紅色位置，左下角為街景圖位置，並非圖 A 點選之地方。
頁:
[1]