和合石鐵路位置研究
得到的會員 jeff7262 及 MCW 提供教路，響地圖服務上搵到好多不同年代地圖，對比出當年和合石鐵路嘅位置。由於我住粉嶺，細過時搭火車從九龍至粉嶺，埋站前會見到一條左轉支線，通往和合石。到年紀大少少，識得踩單車去，但對車站印象唔深，幾年後已經拆到乜都冇。直至依家，唯一（暫時我所知所見）"遺蹟" 就係進入粉嶺站前約半分鐘果個橙色大閘，因為橙色大閘就係當時左轉支線位置；當火車進入電氣化後，鐵路兩旁都圍上鐵欄，而當時左轉支線鐵路未有隨和合石鐵路停用而拆卸，仍保留十多米鐵路直至大約十年前先將鐵路移走。
ArcGIS 地圖服務上，搞咗好耐，先識點樣將航空圖加入成為圖層，並以透明配對現時位置。我加咗 1963、1973/74，及 1982 地圖，對比現今地圖，大家可見當年鐵路走線就係穿過牽晴間、華心邨、和興體育館，而月台就正正響和合石徊旋處。因此，月台結構已經肯定不存在。而據網上資料，有人幾年前見到和合石公園內有椅子用番當時火車三等車廂椅子，但可信性存疑，不過都會去現場睇睇。
i cannot read.... cool_nam 發表於 7-6-2013 04:10 PM
i cannot read....
探險版大部分 post 都不是公開的，你需要多參與討論儲積分才可以瀏覽。 egg_studio 發表於 7-6-2013 09:46 PM
探險版大部分 post 都不是公開的，你需要多參與討論儲積分才可以瀏覽。
正呀，呢D資料非常有趣！
即係話，政府在6﹣70年代發展新界北時係完全重新規劃，唔係好似九龍、香港區咁，根據原有古老街道來慢慢改建吧 曾幾何時，我踩單車去過和合石站原址，希望揾到少少遺蹟，不過睇完當局呢份地圖後，１００% 肯定車站已經完全被大廈覆蓋;現存遺蹟只有北行路線進入粉嶺站前的鐵閘。 呢篇響2013年寫嘅「報告」，7年後嘅今日竟然有傳媒「重新包裝」刊出，令我記起有會員曾經講過嘅一句「響西貢行山發現萬宜水庫」。
上文提到「響和合石公園有三等櫈」，我都唔記得當年響邊度睇到呢個「網上傳聞」，但重點係三等櫈其實不在公園裏，是被村民買下，後來輾轉復修及響我屋企了，有興趣就爬爬我啲舊文。 小朋友 時坐過支線去和合石拜山 cshum 發表於 5-10-2021 04:39 PM
小朋友 時坐過支線去和合石拜山
我響附近住，所以反而冇坐過…… 謝謝分享，真係唔知曾經有依條支線。 野孩子 發表於 14-10-2021 09:16 AM
謝謝分享，真係唔知曾經有依條支線。
你扮後生嗎？ egg_studio 發表於 16-10-2021 12:20 AM
你扮後生嗎？
哈哈哈哈.......
頁:
[1]