Motorola 運動 Android 智能手表 Motoactv 深度試用
初部開箱測試請睇番 http://www.photomarket.hk/portal.php?mod=view&aid=67經過一個月使用後，係時候嚟番個深入 d 嘅測試報告。我主要嘅運動係單車 (公路及越野)、行山、越野跑山呢三類。
跑山測試都係睇番上面果 post。
單車型態：
單車方面， Motoactv 設計師了解到一個人會有多於一架單車，所以可以儲存幾架單車資料，例如種類、重量、車呔 size，特別係車呔 size，因為要用車呔 size / 車轆直徑去計算速度。(Motoactv 裝響 handlebar 上)
開箱文提及 Motoactv 可顯示 Facebook、Twitter 、SMS 及來電 (包括接聽及打出電話)，響我準備出車時，收到 20 個 tweet。(Motoactv 裝響鵝頸上)
可留意上圖及下圖，Bike mount 可將 Motoactv 裝響 handlebar 及鵝頸上。
我早前另購一個 Trek Bontrager 嘅 ANT+ speed sensor ($230)。設定十分簡單，只要將 Speed sensor 裝好後，Motoactv 內 setting --> add sensor ，轉一轉個轆，約幾秒就搵到 sensor。儲存後就可以記錄由車轆傳送嘅速度。根據 manual ，若有 speed sensor，會以 speed sensor 記錄嘅速度為準。如果冇 speed senor，則以 GPS 作準。
可以 add 多超過一個 sensor，例如每部車一個，另外仲可以連接心跳帶及其他 sensor。
行車中個 screen 會自動熄，應該為慳電及保障車手安全。若需要睇資料，按一按掣即可。同跑步一樣，除地圖外，可自行設定想顯示項目，例如速度、踏頻 (需另外買踏頻 sensor)、Power (需買套 SRAM RED Quarq Power Meter) 、圈速、高度、pace 等等資料。
紅色路線為 Motoactv ；藍色為 Sportypal。
測試當日用電話之 Sportypal 以 A-GPS 同時記錄 GPS 路線，與 Motoactv 之 "真正衛星" 比較，可見用衛星比較準確及細緻，不過缺點係入隧道或密林時會失去 GPS 資料，但 A-GPS 去到收唔到上網訊號時一樣死得。所以，A-GPS 及 GPS 各有千秋。
手表型態：
行山時將 Motoactv 裝入表帶上，成為一隻手表。
Motoactv 配有納米表層，報稱防水防刮。我唔會用自己部機做防水實驗，所以有關防水能力請參考其他網站 http://digital.sina.com.hk/mobile/news/-4-1203598/1.html
實際使用時，水滴的確立刻 "扇" 走，不留水痕，十分神奇。
而當成為手表時，screen 一樣會自動熄，但當做睇表動作時，screen 會自動着番 -- 假如你有 Casio 手表，應該體驗過呢個功能。
今日發現有另一位 developer 推出 Motoactv 用嘅 plugin ,包括日出日落時間、GmaiI、Google Note、及原廠 apps 竟然用唔到嘅 Facebook plugin,每款要 US0.99 樓主放毒… 正一pkpkpkpkpkpkpkpkpkpkpk:Q 呢個 post 出咗好耐了。
事實上，Motorola 原裝 Facebook plugin 唔知點解不能 login，而睇番 US$0.99 呢個，制作者一樣話叫唔好買住，因為又係 login 唔到，好大機會 Facebook 處理 login 果個部分有問題。
頁:
[1]