翻新中古單車 project (3-4-2011 update!!!)
前言：大約 92、93年買嘅 Raleigh road bike 鋼架，由於唔算乜嘢大牌子 -- 雖然 Raleigh 曾經出過一隻單車界嘅超經典名車，一般有一定年資嘅中產單車手一定見過，我就當年買唔起，不過呢 d 題外話，有興趣可另開新 post 講。
呢架白色 road bike keep 咗約15-16 年，期間唔係成人踩，因為個人太多活動，上山下海行山滑浪潛水畫畫旅行單車跑車玩具，唔得閒玩咁多嘢。結果響上年買咗個 CAD9 架，咁就將呢架舊車過架，然後放咗響度。當然，賣就一定唔會有人要，但棄之可惜，所以前排搵 Wong Fai Sir 打價噴油，計劃翻新中古車！
當年 parts 用 Shimano 105 8 速 (93 年時好 x 貴)、頭盤係 Shimano 600、前撥及 crank 係 Shimano Sante (當年只出過一年，定位係比 600 更高，獨有鵝蛋形 crank，而且係 Shimano 唯一一套白色嘅件，如果計現時的 Shimano，Sante 比 Dura-Ace 高一級)
翻新：
至於噴油過程，請睇 Fai Sir 嘅 post : http://www.photomarket.hk/forum.php?mod=viewthread&tid=3560&extra=page%3D3
顏色方面，因為自己鍾意橙色，而且近幾年嘅 dream car 係 Nissan Fairlady 350Z，因此就鎖定要 Fairlady 嘅銀橙色！而汽車嘅顏色比較易搞，只要知係邊架車，check 番 color code 就可以配到 exact 顏色。當然呢 d 專業嘢就留番 Fai Sir 搞掂。
組裝：
幾日前攞架，已經係一架好獨特嘅 Fairlady 燈。
呢個係 "遺照"
而翻新中古單車呢個 project，目標唔係一架 road bike, 而係平把 city bike ，用途係 touring ，例如返大陸踩長程，因此響另一架 mountain bike 上拆走全套轉波 (波手、波撥、飛輪、crank -- 而波腳因為損耗嚴重，所以買個新嘅)。
而架 mountain bike 就乘機 upgrade，買咗套 Sram X9，試吓所謂 "新技術"嘅 2x10 嘅效果，響 XC 係咪真係好過傳統嘅 3x9 / 3x10 ??? (請留意遲 d 試用報告)
另一盒係 SRAM 嘅 Apex brake，因為對 93年 105 brake 已經移咗去 Fairlady 上，所以買番對平平地嘅 Apex 俾 CAD9。
而 CAD9 就遲 d 有錢時打算 upgrade 到 Rival 或 Force，咁套 105 就可以正式退役 (響 eBay 趁仲有價就賣)。
講吓題外話，幾年前當 SRAM 出現後，發現 SRAM 嘅水準及技術遠遠高過 Shimano，而 Shimano 不進則退，d 料就越嚟越差，但價錢就越嚟越貴，依家嘅頂級所謂 Dura-Ace，除咗輕之外，耐用性低，做工又及唔上當年嘅 600。響 MT bike 世界，XTR 貴、輕，不過撞兩下就爛， d 鍊踩幾十次就拉長晒，之後 cake 下 cake 下就轉唔到波。
而且上次識到 SRAM 代工廠嘅老細，佢單車都唔識踩，但據佢講，SRAM 對 R&D、QC 等要求都好高，而本身自己用開 Rockshox 、 Shimano 及少少 SRAM 產品，比較之下，覺得 SRAM 性能/價錢比較好。因此 MT bike 及遲 d CAD9 upgrade 都唔會考慮 Shimano。(魚桿就會)
因為自己冇工具，所以裝拆 crank 就要請教單車鋪。
同步進行 -- MT bike crank 過架到 Fairlady，而 MT bike 裝 X9。
不過噴油時冇留意 BB 位，結果入面都噴埋顏色 (底油+面油+力架)，令 BB 入唔到。解決方法係重新打"啞"，反正翻新，以前用四方芯，依家打番"啞"，令"現代" 嘅 BB 芯可以 fit d。
Fairlady 既然要做 city bike，就要有個平頭。因為要就番呢個古典鵝頸，所以要搵番支夠古典嘅 25.4 直 bar。
結果當然買唔起，最後響某單車鋪搵到碌倉底貨 -- 一碌重 140g 嘅 Titgc 直 bar，仲要幾廿蚊俾埋我個隻。
之後到 brake -- 呢個翻新 project 學識咗原來 V-brake 手制係唔可以用響 C-brake, 結果又要去搵倉底貨。
搵到對當年嘅 Diatech ，又係幾廿蚊搞掂，而且好輕，顏色襯番直 bar 及對 105 brake。
之後就駁 brake 線及波線，呢 part 冇乜特別，不過就終於用咗呢套上年響 Action Asia 比賽 d 豬肉獎 -- SRAM brake 線套裝。當日 Willy 兄得獎，發現所有人都用油 brake，最後放響我屋企做 display，今日終於有用了。
車轆方面，由於舊車用古典扭牙飛輪+原子呔，依家費時搵自己笨，所以有位朋友二手賣咗對全新 Shimano RS10 轆，貪佢一來夠平、二來襯到色、三來行啤令、四來夠硬淨，適合長途返大陸，唔怕好似 d 環法車神咁炒車後條鈴 "咬" 咗之後發脾氣。
最後，翻新 project 大致完成。現在只欠車呔。由於 Fairlady 係 road bike 架，700C-25 以上嘅呔都裝唔到。呢幾日行過幾間單車鋪，都冇賣 700C-23 or 25 粗紋呔。上網見到有，但香港未搵到。
700C-23 touring tire 可見 http://www.biketiresdirect.com/search/city-touring-tires
如果知邊度有請指教~~
感想：
搞搞埋埋，MT bike upgrade 咗，單車停車場多一架 city bike。暫時洗咗約5-6千。值唔值就好個人。老實講，翻新完架車唔會輕，淨車架已經 5.5 磅。 Fai Sir 剷走舊油時發現 Fairlady 唔係純鋼，應該溝咗 d 銻 (當年支 600 seatpose 都係純銻，果陣未有鋁 / 碳通，又要上 eBay 搵搵)，所以比鋼架輕少少。但係淨係噴油嘅錢，已經可以買一個全新嘅低級鋁架，因此起初考慮過索性買個 city 架，但翻新自己嘅舊車對自己有意思，又可以 customize 顏色，可以講係獨一無二，因此就去馬!!!
欠：
暫時 update 到呢度，現在欠車呔、手筒。坐通就用住 CAD9 果 set，因為張當年嘅 Inelli 梳化十分適合 city touring，而要搵番支 600 or 105 / 任何牌子銻通。
有呔就可以試車。 好車!
700C 25波羅釘元朗最大個間單車舖
不過係ZIPP牌..價錢未必靚仔! 好車 !! :handshake 回復 2# hongdonald
價錢唔過份都冇問題 (果間嘢一般拆頭唔多/冇)，試過經相熟單車鋪去訂反而平過 walk-in
另外上網買都要 US$49 一條。 已問,750@
你上網買好過:) 你好！我最近都想自已改架Citybike
但我就想買架26“鳳凰黎改
ww w.77bike.com/bbs/read.php?tid=24260&page=1
想跟到差唔多咁改，車已經揾到係邊度買
但我對D單車鋪同零件價錢都唔係好識。。。
師兄可唔可以指點下邊幾間單車鋪可以行下買D平平地既件？ 首先請留意我地唔準公問開 email ，所以我已經 remove 你 email，私人嘢請利用 PM 聯絡。因見你新手所以提醒下你。
講番單車，響粉嶺某間單車鋪有鳳凰零件賣，我早前見有 pack "全新" (當然係幾廿年前出廠，不過一直放響度)頭及尾燈 (用個轆叉電果隻)。單車鋪名稱已 PM 你。
不過你架車響邊度買？該單車鋪有冇得幫你響大陸訂零件？
我以前返大陸都踩過鳳凰 (係第二張圖片果隻 -- 用拉桿代替 brake 線果款)，我覺得如果要番新，可以諗諗呢隻款。另外你提供的 example (下圖)太現代化，特別係張 saddle，完全唔 match 架鳳凰。響旺角某黑店近日做緊特價，係一張仿皮啡色有彈簧的 saddle，二百零蚊有交易，不妨諗諗佢。你又可以考慮加番原裝貨架，仲要係用內呔做縛繩果款。
(圖片 at http://77bike.com/bbs/read.php?tid=24260&;page=1) 首先請留意我地唔準公問開 email ，所以我已經 remove 你 email，私人嘢請利用 PM 聯絡。因見你新手所以提 ...
egg_studio 發表於 23-3-2011 08:34 AM http://photomarket.hk/images/common/back.gif
呢款係咪許文強STYLE既單車黎架 ? :o 不，係林家棟 style 許文強揸槍唔揸車 {:2_137:} 24 March 最新 update
呢幾日都係為了兩條呔，已經響網上搵到合心水嘅 (請睇另 post )
先幾日行過旺黑，見有一堆貨做緊特價，咁啱見到橙色手筒，質地唔錯，價錢由原價 $128 減至 $80 (可想而知平時食水幾深 -- 亦知道響其他單車鋪應該都係正價 around 一舊)，二話不說就買咗。
對手筒係橙色，不過用手機+閃燈變咗紅色。
今日就因響屯門工作關係，收工時搭車去元朗某大單車 dealer 店睇吓有冇啱心水車呔，順便行吓呢間聲稱好大間嘅單車鋪。早前當佢啱啱搬到新地方時，好多嘢都冇得賣，當時就有人辯稱啱啱搬屋，所以 d 貨響倉。差唔多一年後，今日有幸見識過，仍然係得個大字。我心目中有幾樣嘢想睇，亦準備好跌錢：
1) 車呔 -- road bike tire 可以用 "得幾款" 嚟形容。我見識少，但響香港未見過有一間單車鋪嘅車呔 (包括 road bike 及 MT bike) 嘅選擇少過佢。幾日前響旺黑，甚至平時幫趁開粉嶺果間細鋪頭都以"倍數"多過佢。
2) Saddle -- 我架 MT bike 及 road bike 都想換櫈 (一來 CAD9 張櫈會換去 Fairlady 處) -- 全鋪得約十張櫈......
3) 轆 -- 早前與 Willy 兄打算買某牌子 MT bike 轆。朋友響買咗，網上買連運費到香港約 $4200，粉嶺某單車鋪 quote 價 $4500，而呢度賣 $5700......
不過，平心而論，如果你係某台灣牌子迷，果度 d 台灣牌就真係齊全，但睇吓價錢，我又會諗起果句："咁嘅價錢，我買乜乜乜好過啦......"
回想當年未搬時，舊鋪貨物琳琅滿目，各種牌子款式都有，價錢公道，我都曾推介人去跌錢。時易世移，搬去工廠區行法國餐+台灣餸路線，我就唔 buy，希望幾年後有幸重遊舊地會見番一間值得跌錢嘅鋪頭。 多謝以上專業報導 !! 加分 !! :handshake 3-4-2011 update
響美國 mail order 嘅 Fyxation 車呔已收到。磅一磅，每條重 317g，以厚呔嚟講可以接受。
摸落去好粗，近睇下有 d 好細嘅粒粒，另外坑紋好深，完全合符我嘅要求。
突然有個疑問，響香港應該冇 700c-23 有紋嘅呔賣 (由於我冇行晒全港單車鋪，所以唔可以話一定冇，只係最大果幾間，及某一間賣 city bike 及 fixed gear 嘅都冇)，咁香港 d 車手落雨後係咪唔踩單車呢？雖然有 d all weather 用嘅呔，但路面有水情況下，冇去水坑紋始終都唔排唔走 d 水......???
裝好車呔後，響 CAD9 拆張椅及 seatpose 落嚟，再鋸短條 seatpost ...... 呢支係廉價 GT seatpose，百零蚊，原本有 383g, 鋸短後仍有 299g ，不過 Fairlady 唔計較重量，所以冇乜所謂。之後裝 lock 踏，打打汽車車臘。就可以出街了。
突然又有感想，袋兩條六角匙出街踩幾分鐘，停低一邊較吓 d 鵝頸 + seat 位，已大致 ok；有 d 新手就捧錢去 XX 單車度俾人 fitting，fit 完就俾人昆要買條乜乜牌子嘅鵝頸及 seatpose...... 不過踩完仍然腰酸背痛。
今日又踩咗陣。由於用 MT bike 的 gear ratio，架車加速好快，但冇乜 road bike 嘅極速。有紋嘅呔當然唔夠光頭呔好去，不過呢隻呔 rotating resistance 好細，而且好咬地。入過少少村路，響村路嘅沙石地穩陣過 road bike d 所謂 racing 及 training 呔，沙地轉彎唔駛就住就住。至於濕地表現，就要等落雨再試。
由於平頭關係，轉彎好靈活，好好玩，雖然呢個係 road bike 架，配上 MT bike gear 及平頭後，感覺有 road bike 嘅輕快及 MT bike 的靈活。
早前睇過 d 真正嘅 city bike 車架，特色係可以裝 disc brake 及 700C-32 呔。我借過一部配 700C-25 菠蘿釘、 2x10 的 city，呢個 config 已經可以去環塘。 全車色水襯到一絕 !! 精彩 !! :handshake 暫時全車 23.5 磅，以 17 年鋼架車計唔算重，而鵝頸 360g、seatpose 299g，張櫈 388g，淨呢三樣嘢已經 1kg。如果用 d "現代" 嘅 parts，車重應該可以減一磅多 d ，如果用輕 d 嘅鈴及呔，20磅應該冇問題，不過就犧牲咗原有目的 (我要用嚟踩長程變化地) 回復 15# egg_studio
係唔係即係會帶呢架車上大陸踩？ 回復 15# egg_studio
應該係，不過都要問清楚路線，好似上次去惠州咁，無端端踩入一條幾公里 off road 路，連 d 改 1.2"呔嘅 MT bike 都踩唔到，所以冇話一定，不過可以答你係，呢架老車 d config, 例如用 MT bike 3x8 gear ratio，前 crank 44T，平頭，目的不求快，但求舒服走長程。 但CityBike點解用LOCK PEDAL? lock 踏同city bike 有乜關係?你冇響X牛見過citybike用的lock 踏嗎? 我都有同樣疑問… city bike 名字比我感覺是在市內踩去購物買菜～
所以配lock踏有D奇怪～～