Dash20 操練(1) M4 後記
昨晚因收工收得遲，所以 7:50 pm 先從水浪窩出發。參加者有我、Kendall、Loeiz
今年打倒昨日的我，用全新行進方式 -- 所有上斜都以極慢速度，比一般人行山還要慢 (一步一步咁上山 -- 好似平時遇到果 d 晨運公公婆婆)。但平地及落斜 90% 輕 jog。結果係 total 用嘅體力減少好多，但時間又快咗少少。據 Loeiz 報稱，大部分 S 隊都係咁行法。(但至於係咪真，我地信住先)
35 mins 從馬鞍腳至天梯
3 hrs 20 mins 完成全段 M4 (走全程，不走狗汪徑) 至獅子亭散隊。
假如走狗汪徑，應該可以 3 hrs 內完全 M4，比以前快差不多半小時。
下次 training 會再沿用呢種行進模式。
我地響狗汪徑入口前遇到一班毅行少年，少年着籃球鞋，唔帶電筒行夜山果隻。我地一步一步咁上山，毅行少年似乎覺得我地行得太慢，係咁逼我地，不過差不多抵達飛鵝山頂時，我地一齊 jog 上山，繼而 jog 下山，毅行少年連尾燈都見我地唔到，之後響獅子亭再遇佢地已經係差不多 10-20 mins 後嘅事。 咁神奇？
小弟都知道我地上山速度係比較快，但係無諗過會咁慢…
不過又諗番，當年昌少完成毅行都係上慢（超慢，問C＿FOO就知）
反而到後段就可以輕鬆完成（好似係28小時內） 速度係真係好慢，大約係每一步超過一秒
因為因慢得快嘅原因，我地想之後嘅 training 試多數次，睇吓有冇着數。 聽落好神奇, 不過有次經驗係有年毅行比賽日第一段跟住S隊行, 上山段唔會特別快亦唔會特別慢, 以往我地上山快平路慢, 反返轉嚟諗......得咗, 睇嚟搵到方法啦, 20小時有望 {:2_137:}
*** 睇怕今年唔會標榜用咗幾多分鐘上咗乜乜山 ! 之前上山時間又唔算「標榜」，因為係紀錄一個容易記嘅數字，用嚟知道訓練進度。 wow!so cow..
If we use this kind of approach..
"Slow Team" can reach the boundary of 22 hrs! 若果有so,上山可以抖住上。不過平路一直要jog，唔好話, 其實都幾係嘢. 輕 JOG 唔係易, 跑開步就好些少 {:2_137:} 其實唔係易，我地練開有 "底" 都要花時間掌握，而且輕 jog 係 jog 幾 km，慢 team 冇練開未必有着數。
完成路段後，用嘅體力係少咗，但時間快咗少少，希望比賽時可保留多 d 體力響 M9, M10
頁:
[1]