尋找N57的故事

EricDelta

近月事忙，最近終於可以抽空講下嘢
九月份的時候，小弟同另一位大笪地版友走到深山，尋找一條被 CEDD 寫住 N57 的廢置隧道。
一般嚟講呢啲廢置隧道大多係二戰期間由日軍興建，後來 80 年代政府先逐一搜尋並紀錄在案。
本來其實興趣唔大，不過從網上搵到了一篇新聞，勾起了筆者想尋找 N57 的好奇心。

首先來個 N57 的地圖


網上的新聞咁講：隧道由日軍興建，直到戰後都無被發現，後來被一班省港奇兵佔用並將隧道用作軍火庫，2000年的一次警方行動中無意搗破呢個「私竇」。隧道隱沒一座荒廢的山莊內，並係屋嘅入面搵到隧道的入口。而該山莊其實係一班省港奇兵同一班親中村民的聚居地。

不過當時其實都未知呢條隧道係咪真係 N57，不過都照搵啦
當日高溫達36度，爆左段林仔，終於都搵到個所謂的荒廢山莊

山莊有寫上「慶祝中華人民共和國成立三十八周年」，確實如新聞所述的一樣，證明這條隧道的確就是 N57

山莊入面的一些殘骸


之後利用官方地圖去搵果間屋同埋個入口
不過發現其實間屋已經消失左
最後只憑位置去希望搵到個入口
終於見到個草堆有啲形跡可疑


掘呀掘，又真係有所發現！


就是傳說中的 N57 入口


入到去，轉右就係地圖上的長長隧道的開端！


不知絲帶的用意？


隧道只夠人半身走過，真的可以儲存軍火？


轉左，突出了的一 part 仔


再行少少就是轉右，本應是很長長的一條隧道來的，怎料 ...


原來隧道已經削走了 ...
換言之有八成的隧道消失左

當然唔排除隧道可能係一路落斜，不過比泥堆塞，又或者仲有其他「殘肢」
不過當日太熱了，都係下次得閒再戰

由出面影返個位


謝謝點閱

ShingWong@G

精彩

egg_studio

世界真係細，我本來計劃上星期去呢度，因為我住響附近，不過當日突然有事所以延期。你去之前嘅幾日，我夜晚去睇過（揸車經過，停一停行入去），但太黑，又見唔到「官方地圖」上嘅建築物，原來建築物已不存在。

kaiboy123

犀利！大開眼界！

egg_studio

用電腦睇得清楚啲，第 9, 11, 12 張相，影到隧道天花，睇落去好似以前係戰壕，然後響上面起間屋，情況係咪咁？另外，第 12 張相右方天花有數字，有冇留意寫乜？

EricDelta

egg_studio 發表於 6-11-2017 07:07 PM
世界真係細，我本來計劃上星期去呢度，因為我住響附近，不過當日突然有事所以延期。你去之前嘅幾日，我夜晚 ...

我係9月中去喎，你都係？

EricDelta

egg_studio 發表於 6-11-2017 07:54 PM
用電腦睇得清楚啲，第 9, 11, 12 張相，影到隧道天花，睇落去好似以前係戰壕，然後響上面起間屋，情況係咪 ...

無懷疑過以前係咪戰壕，但睇情況我都相信係就咁喺呢舊「門口」上面起間屋。
天花上面啲字真係無留意到，當時環境又熱又焗只係轉角位影出去就完

LamLeungWan@FB

請問個斷口,在現場睇個水泥頂似塌下定刻意向下呢?>

egg_studio

EricDelta 發表於 7-11-2017 06:59 PM
我係9月中去喎，你都係？

我係大約三個星期前。

野孩子

雖然唔知喺邊，但都謝謝分享。

者尺

師兄好波

野孩子

可否PM位置嗎？