再探「礦洞 Y」仍然未搵到 + 新項目「礦場 U」

egg_studio

炎炎夏日，當然是戶外運動好日子。

「礦洞 Y」

大半年前出文「礦洞 X Y Z」系列，其中「礦洞 X」（金竹排）及「礦場 Z」（水流槽），剩下「礦洞 Y」未有着落。早前初探，冇發現（看此文）。不久前認識了已搬走的村民，村民大約講到位置（但講唔出歷史），於是今日趁天氣好，入林搵搵，可惜因為技術及安全原因，搜索未完成就要離開，不過對果一帶環境及以前的地貌有了解。

下次再去時應該好大機會搵得到，到時就開估啦 ~~ （我又上網搵過，又真係冇人提過呢個礦場 / 洞，包括耐不耐就嚟抄我料的「讀者」）












「礦場 U」

另一個新項目是「礦場 U」，呢個可以講白啲，因為同「不耐就嚟抄我料的「讀者」」有少少關係。話說「讀者」都有介紹過一個位於米埔 / 担杆洲的石墨礦，但當時我同隊友出文時刻意冇提及附近有另一個出產另一種礦物的礦場，即是「礦場 W」，因此「讀者」自然冇提及「礦場 U」及果種礦物。

據非常有限的資料，「果種礦物」特別之處是香港只有果度有開採（重申：唔係石墨呀！）。「礦場 U」約於 40-50 年代開始營運，但唔知做到幾時，而港英政府沒有發牌紀錄，初部推斷是如「礦洞 Y」一樣是村民自行開採，亦有可能是 40-50 年代正值二戰及香港淪陷，所以其實係邊個開採都講唔埋？從 40 年代衛星圖睇到少少結構，但衛星圖解像力不足，不能從照片確認。

今天，「礦場 U」部分地區屬米埔保護區，因此攞正牌入去做研究，仲響入面踩單車（單車係當另類珍貴經驗，因為一般遊客唔准踩單車的）。初部響保護區及外面的魚塘搵到少少痕跡，但需時確認。有結果先公布啦，請各位讀者及「讀者」留位~~~ （重申：唔係石墨呀！）

下面影片只係踩單車，冇「礦場 U」的痕跡。

Kennethp

天氣仲好熱，咁早就出動入林

野孩子

正喎，又有新進展。

CKY

多謝師兄分享

egg_studio

Kennethp 發表於 1-8-2022 12:17 PM
天氣仲好熱，咁早就出動入林

呢個林唔密，所以入到去好涼爽，而且旁邊有條河~~~

egg_studio

野孩子 發表於 1-8-2022 10:09 PM
正喎，又有新進展。

呢兩日會去多次

egg_studio

今朝去完，搵到，亦明白點解咁多年冇人搵到，可以開估：

「礦洞 Y」= 黃毛應

稍後有詳盡故事！

野孩子

egg_studio 發表於 2-8-2022 02:52 PM
今朝去完，搵到，亦明白點解咁多年冇人搵到，可以開估：

「礦洞 Y」= 黃毛應

等你開post。