2014 聖誕巽寮灣汕尾單車遊

egg_studio

聖誕幾日紅日，慢車從沙頭角往汕尾，遊覽沿海景點，包括平海古城、巽寮灣、海龜島、風車島等等。

Day 1
沙頭角老地方出發，經鹽田、大、小梅沙、溪涌、葵涌，中午至澳頭。呢條路行過好多次，年幾嚟由荒山野嶺變成廣東綠道，由 XC 路變 road bike 路，變化超快。


鹽田填海，蒼海桑田，下次嚟可能起埋樓。


冬天 + 閒日 = 大梅沙鬼影都冇。


例牌景點：葵涌迴旋處。


例牌景點：珍珠養殖場。


珍珠養殖場外 -- 以前係 XC 沿海路，三年間變成廣東綠道 -- 大陸嘅單車徑同香港馬路闊。


半年前嚟過嘅工地已經起好。


澳頭「大橋」。


下午往十里銀灘睇樓。


十里銀灘實景冇湯唯姐姐講得咁好（請留意 day 2 嘅另一樓盤）。


鹽灶背地盤起咗幾年都未起好，銀灘真係要起足「十里」！？


繞過村路後，又一例牌景點：稔山外水閘。


以前遊記曾提及，稔山係往粵東大鎮，可能係咁，廈深高鐵都有停站。（惠東站）


下午抵達稔山。

下頁繼續 Day 2。




Day 2
早上從稔山出發，往巽寮灣。

巽寮灣係近幾年新開發嘅國內旅遊區，起咗幾個度假區，不過兩年前去租時就話未可以接待港澳同胞，不過近月響香港地鐵終於見有廣告賣。



上年中秋時嚟過巽寮灣，當時通往巽寮灣嘅公路仲係工地，依家已經鋪好，而且連接對岸湯唯姐姐樓盤嘅大橋已經起好，嚟緊嘅夏天應該人山人海了。


繼續睇樓盤 -- 巽寮灣嘅盤明顯比湯唯姐姐果個好，當然價錢就……唔知。


巽寮灣沿岸都有其他臨海樓盤及酒店。


踩咗幾個鐘，去到雙月灣。上到觀景台，一睹「雙月」。


冬天 + 閒日 = 雙月灣鬼影都冇。


之後去海龜島，見到上年中秋颱風登陸地點紀念 -- 不過，據當時報導，颱風應該響汕尾風車島登陸，並非海龜島 -- 似乎學咗香港泛民咁，乜都抽吓水！？


海龜島當然有海龜。


有生嘅……



也有仙遊嘅……

下頁繼續 Day 3



Day 3
今日從巽寮灣南岸往北，再踩半年前去過嘅沿海 XC 路。（請睇舊 post 惠東、梁化、平海、灣仔單車越野行--速報）



先從大平原往北走，一路踩到海灘。


夏天已經冇乜人（大部分人去雙月灣嘅海灘），冬天 + 閒日 = 更加冇乜人。


上咗山。天氣關係，睇唔到遠處嘅平海及港口鎮。


沿海 XC 路。


之後接上往汕尾之鄉路 -- 沿高鐵線就去到汕尾。


途中經過嘅景點。


上帝廟（開頭以為叫「玉」帝廟，但睇清楚，真係叫上帝廟）


文革時代嘅「文物」：毛主席不但冇萬歲，今日中國，連個「主」、「萬」字都冇埋。呢條毛主席水閘隔離已經開緊公路，下次嚟應該冇埋。


往汕尾嘅村路。



去到汕尾，除海鮮外，仲要一試豬油芝麻糊（不過今次豬油好似冇乜）。

Day 4 下頁繼續。




Day 4
今日由汕尾往風車島 -- 近年嚟呢度又成為繼台灣不知名海岸後，香港人婚照勝地 -- 可惜，上年中秋一個颱風，吹毀其中幾棟風，今日所見，雖然都仲有幾棟風車運作，但山頂有幾支風車變成「三支香」。



中途經過黃氏祠堂。




「三支香」。





四日三夜完畢，下次見。

Homan

如果唔係咁多日
我都會join 下呢

egg_studio

如果得一日半日又點去到呢啲地方呢？