【實時報導】再探仙人洞「白色洞室」，今次有冇水浸呢？

egg_studio

2019 年年頭初探廣東陽山仙人洞（溶洞 — 曾打算開發做景點，後來冇下文），約一公里深處，有一個岩壁上鋪滿薄薄白色鈣片（後來經化驗證實）的洞室，從地下至天花都是白色薄片，因此取名「白色洞室」。當時由於裝備不足（本來是去落天坑的，因此缺乏入洞裝備），因此只有我和另一隊友入過「白色洞室」。

約兩個月後，重遊仙人洞，整隊人興致勃勃，帶齊架生，打算到「白色洞室」睇奇觀，點知洞室被水淹浸，變成地下湖，「白色洞室」沉於湖底。

一過就幾年，今次到陽山附近另一個溶洞，途經仙人洞，抽時間入去，睇睇「白色洞室」有冇被水浸？如果冇，「白色洞室」仲有冇得去呢？ 根據村民所講，仙人洞通往山頭另一條村，只不過第一次及第二次都被水阻隔，無法證實呢件事。

關於仙人洞嘅故事，我睇返之前大笪地及我網站嘅文章和影片。

https://www.photomarket.hk/forum.php?mod=viewthread&tid=7119

https://www.photomarket.hk/forum.php?mod=viewthread&tid=7156

https://www.eggstudio.com/%e9%99 ... %e4%ba%ba%e6%b4%9e/

https://www.eggstudio.com/%e5%86 ... %e4%ba%ba%e6%b4%9e/


依家準備入洞，等陣有結果。


冇水浸時，「白色洞室」岩壁布滿白色薄片。






第二次去，洞室變成地下湖。



水中隱約可見「白色洞室」。

egg_studio

去到洞口，見到水潭乾曬水，心想，入面應該水退。

入洞過程唔講了，由於今次帶齊架生，最後大家入到盡頭，水退了，「地下湖」冇咗，變番大、小洞室，白色薄片布滿整個洞室，而且仲見到另一種形態 — 水平狀嘅薄片，估計係水退時一層一層咁沉澱出嚟。相反，第一次探洞時見嘅不規則型白色薄片就相對少咗。（至於薄片係乜嘢，上一集已經測試過，自己睇返啦）

從白色薄片嘅分布，估計今年水位升到非常之高。題外話，探完仙人洞後，我哋去咗另一個溶洞，嗰個溶洞被大水淹浸過，甚至部份地方沖爛咗，稍後會另作介紹，記得留意。


近洞口位置。



原本被「湖水」淹沒嘅「白色洞室」，入得啦~~



水平狀薄片。

野孩子

正呀！謝謝分享。

CKY

感謝師兄分享

Inaws

謝謝分享

james97

Thx for sharing

leonkin

謝謝