短走落馬洲 --> 鐵坑

egg_studio

有跟開探險版或我網站會知道近期做緊關於西門子電報桿嘅搜集，而電報走線最後止於料壆村，同我估計有少少出入。

咁啱，前排有山火，燒光曬馬草壟一帶山頭（所以又見到森林裏的鐵橋，有興趣另爬文），咁就試試上山睇吓有冇發現 — 結果係冇發現 --> 電報線止於料壆村。

單車版有版友之前踩過，我只係補充一下。


起步當然係「例牌景點」啦。想當年，呢度有幾有趣故事，有機會分享。



踩咗一陣，開始唔對路，順便停一停睇吓有冇桿 / 柱之類，當然冇發現。背後係落馬洲警署。



呢個水塘到依家都唔知叫乜名；我之前介紹過，我幫佢改名「落馬洲水塘」，係村民自己開發嘅灌溉水塘（新界有好多灌溉水塘，部分係政府興建，但有少部分係村民自己搞掂，所以官方冇名及紀錄），請另看《又嚟遊樂場 + 再遊落馬洲灌溉水塘》



版友話可以踩上去，我發現唔對路……不過都抬上去啦



上到頂就收到版友回覆，話呢段先踩得，上山當然要抬啦。



山脊有禁區時代的鐵網痕跡。



因為冇搵到桿 / 柱，就沿呢條火燒山路落山



火燒山路



如果冇火燒山，應該炒咗車。

DominicNg@G

落山位不似我走那條，望落你這條無乜難度，點解會『如果冇火燒山，應該炒咗車。』?

egg_studio

DominicNg@G 發表於 27-4-2021 09:30 AM
落山位不似我走那條，望落你這條無乜難度，點解會『如果冇火燒山，應該炒咗車。』? ...

因為原本條路應該好密，左邊係一條大坑（約深2-4米），假如（冇山火）落斜時偷少少草地位，就有機會炒落大坑裏。