搶灘！蚊尾洲燈塔遊（圖多字少）

egg_studio

蚊尾洲係珠江口最南面嘅島，非常細，廣東省地圖上只象徵式一點，不合比例。蚊尾洲上有座由清、英及港英政府三地共同提案及興建嘅燈塔。多得網上你抄我、我抄佢嘅網媒（又係果個啦），好多人以為蚊尾洲 / 蚊尾洲燈塔屬於香港，其實從興建至現在，一直都係內地水域，依家燈塔已經係廣東省省級文物。

因此，去蚊尾要出境，記得帶回鄉卡！

從計劃至成行，不經不覺搞咗一年半載，最大原因係好少有船家會接呢支旗，近年香港船家 / 洗頭艇唔敢接（去釣魚、唔登島都唔願意），國內船家收得貴，加上島上除咗燈塔外乜都冇，除非好有興趣，否則好少人會願意花 $$$ 及時間去蚊尾洲睇燈塔。此外，蚊尾洲一年有一半時間風極高浪極急，上唔到岸，所以一講就講咗成年。

結果，因為搭路去另一個島「白瀝島」（另看稍後嘅白瀝島遊記（未出）），順路去埋蚊尾，大笪地會員 share 船錢有得諗，終於成行。
詳細遊記、其他照片、video 等，另看我網站《蚊尾洲燈塔 — 大陸境內獨一無二英式燈塔》





當日四級風，尚可搶灘登陸。


前面大石屎係直升機場，維修人員應該搭直升機嚟，我地就搭一個鐘大飛。燈塔後係南海，500 公里外先有下個島 -- 西沙群島。




燈塔建築群建於島最高位，理應唔會水浸，但四周仍設置幾個去水口。

燈塔由宿舍、倉庫及儲水缸等建築包圍。


走進燈塔建築群。









小島冇碼頭，以前要用這吊機將物資從海面船隻吊上嚟。


響香港圖書館網站可以搵到一啲蚊尾洲及燈塔嘅報導。提示：用英文搜尋會搵得多好多。



詳細遊記、其他照片、video 等，另看我網站《蚊尾洲燈塔 — 大陸境內獨一無二英式燈塔》

ShingWong@G

正正正！！！

Jaytang

正，我都想跟埋去see see

野孩子

都係一個字【正】，兩個字【謝謝】。

jj629

版主您好。我和幾個朋友這個6月想到白瀝島及蚊尾洲遊玩。(1) 請問6月是否登蚊尾洲合適月份?(2) 包艇玩白瀝島及蚊尾洲，大約費用$多少? (3) 用 1 天玩 2島(白瀝島+蚊尾洲)時間足夠嗎? 謝謝您的回覆~ !

egg_studio

jj629 發表於 8-6-2019 01:21 PM
版主您好。我和幾個朋友這個6月想到白瀝島及蚊尾洲遊玩。(1) 請問6月是否登蚊尾洲合適月份?(2) 包艇玩白瀝 ...

如果冇颱風的話，六月風浪相對較細，能夠登蚊尾的機會太啲。至於一天玩曬兩島，你先看看我寫的遊記（白瀝），如果你諗住去一樣嘅地方，咁一定唔夠時間，除非你只去潛艇基地一處。

船大約預二千五啦。

jj629

egg_studio 發表於 9-6-2019 05:22 AM
如果冇颱風的話，六月風浪相對較細，能夠登蚊尾的機會太啲。至於一天玩曬兩島，你先看看我寫的遊記（白瀝 ...

謝謝你的回覆~!