波蘭 Wieliczka 維利奇卡鹽礦 -- 詳細遊記（多圖）

egg_studio

之前寫了簡單介紹，集中記述「非遊客路線」，現在詳細介紹一下整個鹽礦之旅。

另看：波蘭 Wieliczka 維利奇卡鹽礦「非遊客路線」


波蘭 Wichambers 鹽礦於 1978 年被列為世界文化遺產，自上世紀末停止大部分開採後，逐漸開拓成旅遊景點。

現代英語 salary 出自拉丁文 salarium 和 salt，可見在古代，鹽的價值十分高。不過，時移世易，Wichambers 鹽礦的產量日漸下降，也許經營者知道開拓成旅遊景點會賺得更多，因此在 18 世紀鹽礦已開始招待遊客。

今天，鹽礦場提供的幾條遊覽路線（稍後將有新一條路線，另看波蘭 Wieliczka 維利奇卡鹽礦「非遊客路線」 ）覆蓋幾個著名的景點，不過路線都高度修飾，未能完全呈現鹽礦原來面貌。因此，我們與鹽礦當局安排了「非遊客路線」，參觀一般遊客未能進入的真實礦洞部分，這裏沒有 gift shop、沒有照明、環境十足我們平時探察的礦洞，真實體驗礦場裏狹窄和危險的工作環境。


Tourist Route

「遊客路線」分別是 Tourist Route 和 Miner’s Route。Miner’s Route 是以體驗開採工作為主，所到之處亦是經過「高度修飾」，既看不到礦洞的真實，也看不到著名的鹽雕刻，因為時間關係，我們選擇了 Tourist Route — 因為接下來，是比 Miner’s Route 更具特色和風味的「非遊客路線」！

Tourist Route 上遊客透過固定路線參觀不同著名景點，包括地下湖、教堂 St. Kinga’s Chapel 及許多鹽雕刻去了解鹽礦歷史。這些藝術品全在鹽礦尚運作時由礦工建造，可見他們當年一邊生產，一邊為地下世界建造各色建築。


無論是 Tourist Route 和 Miner’s Route 都必須跟導賞團，大約廿幾三十人一團，不同語言不同時間，所以有機會去到要等一至兩小時先 join 到團（因為冇粵語 / 普通話團，所以我地只可揀英文團）。



先從地面行樓梯至地底 65 米，是礦場 level 1，由導遊簡單介紹一下礦場歷史及參觀時要留意嘅安全嘢，就開始行程。



例牌景點 The Chapel of St. Anthony。



精美鹽雕刻 Legend of Queen Kinga。



體驗用繩索及木轉輪把鹽礦物從直井拉上嚟。



以前，礦層之間以掘出嚟嘅梯級連貫，現在以木樓梯方便遊客上落。



著名打卡位（不過地底上唔到網）The Chapel of St. Kinga。呢度每年都會舉行集體婚禮，當然俾得起錢，可以包場的。






行行吓見到得意嘢。



有成五十幾米高的礦層，呢處亦可出租俾人搞 events，而每年都會舉行一次消防員 full gear 跑落鹽礦然後跑番上嚟嘅比賽。



路線尾聲，當然要有購物環節。Gift shop 有好多種類嘅鹽出售，不過之後我問過「非遊客路線」嘅老礦工，佢話大部分賣嘅鹽都唔係 Wieliczka 出產，而係從其他鹽礦買過嚟。



Gift shop 後係地底餐廳，不幸係，我地遊覽之日，餐廳休息，冇得一試地底餐。



最後，搭番電梯上地面。留意一下，電梯係雙層。

kaiboy123

超正啊! 你係點聯絡到佢開放非遊客路線俾你架?

egg_studio

佢地官網有㗎，不過要10人以上，唔夠10人都要俾10個人錢。要用 email聯絡，佢會同你傾時間、路線、價錢等等。

野孩子

多謝好介紹