遊紅花嶺、麥景陶碉堡、蓮麻坑村、葉定仕故居、塘肚古道

egg_studio

自第三階段禁區開放，蓮麻坑村被剔出禁區外，外人可以自山路入村（政府幾年嚟講咗好多次，來往蓮麻坑村的蓮麻坑路不會開放，切勿相信本港某報章假新聞報導，請大家注意）。


起點又係紅花嶺 -- 呢棟鐵閘係好多年前嘅第一階段禁區開放「遺蹟」-- 呢段路行山及踩單車行過 N 次，不作重複介紹，請自行爬舊 post。


好快就去到麥景陶碉堡（礦山）。單車版有會員去埋其他幾個，有興趣又請自行到單車版爬 post。


沿麥景陶碉堡旁邊石屎樓梯落山，十分鐘唔駛去到蓮麻坑村。先到風水池睇吓祠堂。


風水池。


之後行去法定古蹟「葉定仕故居」。


故居外面當然唔係放葉定仕像；去得睇清末民初歷史建築嘅，應該知道又係「抽水王」了（點解？請自行爬吓舊 posts，例如強乜學校、乜乜大學咁……）。


故居地下。


故居二樓。


正值故居裝修，借來梯，上三樓（閣樓）參觀。


三樓（閣樓）。


參觀故居後，取道塘肚古道往坪輋。左路是過去蓮麻坑村未開放時，遊人只可從麥景陶碉堡前的山徑通往這裏，然後轉入右路往塘肚村。禁區開放後，應該冇乜人會行呢條路卦？


過去禁區的告示牌。


塘肚古道係以石塊鋪成，十分易行。


大約行 15 分鐘（大約 1 公里左右），好快就出到堆填區嘅馬路。遊人不能進入堆填區，所以過馬路後，繼續接山路落山。入口好易搵，放心。


離開馬路大約 10 秒，就見到黃水水池。


行大約 5 分鐘，去到堆填區作業區。


沿堆填區外鐵絲網，行多 5 分鐘唔駛，去到堆填區正門閘口。


輕鬆穿過閘口，出禾徑山路。


回頭一看，左邊係堆填區入口，右邊鐵閘係行人用閘口。

之後，行多 15 分鐘，經村路去坪輋搭車走。坪輋有的士、巴士及小巴去粉嶺。

Homan

今次係用腳行？

egg_studio

Homan 發表於 18-2-2016 01:48 PM
今次係用腳行？

有留意單車版都知，呢條路可以用腳或者單車都得！

Homan

egg_studio 發表於 18-2-2016 10:18 PM
有留意單車版都知，呢條路可以用腳或者單車都得！

我夠知單車去到腳就去到啦
不過無諗過你會用腳啫

kingswoodkc

麻煩師兄真係要帶一帶我地班車友 (包括GG) 去去.

5542

乜條塘肚古道咁大條

「麥景陶碉堡前的山徑」係咪直昇機坪前掛滿絲帶果條??
岩岩星期六企圖進入, 但因草莽頗多加上之前未行過, 地圖上又無顯示,
最後放棄, 上番紅花嶺行軍路走人

egg_studio

當然唔係直升機坪嘅絲帶路！果條絲帶路，過去禁區未開放時，就「擔任」起連接直升機坪至塘肚古道嘅重任，因為蓮麻坑係禁區。依家你行去麥景陶碉堡，旁邊有一條非常清晰嘅石屎樓梯路，直落蓮麻坑村！

egg_studio

GG姐姐一定會話：「沙泥路我唔得㗎！」

kingswoodkc

egg_studio 發表於 20-2-2016 03:03 PM
GG姐姐一定會話：「沙泥路我唔得㗎！」

已經叻左好多!