低調約拍

luna

找經驗影師低調約拍

姓名: LUNA
身高:165
三圍:35D 27 36
鞋號:歐碼37-37.5
腿長:41
頭髮:中長/可黑可棕
瞳孔:黑(可配戴造型CON)
膚色:亞洲人,(今年未晒黑)
懂化妝髮型
可Carry 歐式/美式/日系 STYLE


自我介紹:
你好,我不是想要入行成為模特兒為前提而約拍,而我也自覺不是模特兒的條件
我約拍的目的是想在拍攝的時間裡練習自然的對鏡頭流露好看的神態及肢體動作
以及在不同的戶外時間與環境去熟習和適應攝影的基礎方法

我的致命缺點:局限了某個類別的風格太久但又不是演譯得很出色,也沒突破,
所以想與有經驗的攝影愛好者去嚐試修正這個問題
年齡: 從整個自我介紹裡大概已能推算我不會是16妙齡/18卜卜脆或22的嫩口少艾,要拍美少女的
不好意思,我會讓你失望


合作要求:
*)只限一對一,不接受一對多.(SORRY,我會好唔慣)
*)必需純熟光圈/快門/焦距/構圖/攝影眼
*)不需要電腦後期修正
*)相機可數碼或手動 (不接受AUTO MODE)
*)只拍戶外(有足夠體力可去長途拔涉的地方,但必需日後合作過之後再計劃)(可拍夜深/下雨天及黎明時段,但大前提是請你能HANDEL環境在鏡下的捕捉),不拍影樓,
*)太遠的地方我會自乘交通工具前住集合,如閣下有車可接往目的地我會很感謝你讓我省下前往拍攝地點的時間.
*)拍攝目的只限個人興趣或收藏,不能涉及任何直接, 軟性的商業/推銷/宣傳,如是參展考試或比實用先前知會(因我試過以前在我沒充份準備下,約拍直接用於參展和考試,雖然大家沒什麼差評,但我個人覺得很不好意思)
*)由於我不是模特兒,我沒有像她們完美的面孔和身體,如果拍攝時候因我的不足讓閣下拍不到心中所想.可以沒下次,但請留一薄情不要當面批評或事後在網路上批評
*)不是伴遊,拍攝前後不陪吃飯


拍攝尺度:從日常便裝開始,如夾得到之後可嚐試其他
便裝和形象自備,如有其他要求可溝通
聯繫方法及看相版: PM 或 EMAIL
EMAIL: [版主按：為保障閣下及本版利益，請pm 聯絡]

Homan

問一下：
點解會有以下兩點？

*)不需要電腦後期修正
*)相機可自動或手動 (不接受AUTO MODE)

egg_studio

因為……唔講得，因為你應該唔會認同 -- 其實內容已經講咗原因。

luna

Homan 發表於 1-10-2014 01:05 PM
問一下：
點解會有以下兩點？

Hi Homan

人像攝影用後期修正例如PHOTOSHOP 或 美圖秀秀
出黎既相個個都可以係好靚,好完美
如果位攝影師係追求影完->修正->發表->接受讚美
後期係無問題.
而我本人對後期修正都沒反對,(因為在相片裡我會變得很美)

但我個人約拍的目的係想用前期技術和經驗去達成
例如:
攝影師覺得我27腰太肥,唔緊要,我可以減肥/衣服配搭/逆光/肢體動作或角度去解決問題,
而唔係用美圖秀秀去郁張相整瘦條腰

或是

太光太陰可以在PHOTOSHOP或個LIGHTROOM較個LEVEL,
而如果唔依賴後期,那前期便要用技術和經驗從一開始就把想要的系色拍對下來

至於點解唔用AUTO MODE

我相信現在的智能相機,AUTO MODE會比好一個安全又OK的影像記錄,包括9成婚攝係用AUTO MODE

可是拍攝係某些人心目中係一門興趣,一個藝術,一個表達.
而我拍攝目的,和相夾既攝影同好,正正就係想有同一個基礎理念

AUTO MODE...得罪講句,用個腳架,用個WIFI,自己影仲唔駛煩,中意邊度幾時影都得....

不好意思...我很長氣=.="

egg_studio

依家太多人過分依賴後製，所以我上面話「唔講得」-- 我唔支持攝影層面上用後製；而後製應該用響創作層面上 -- 但呢啲想法依家同同性戀一樣，都係「禁色」嘅話題。

而且樓主第一句就話「找經驗影師」，我「感覺」到嘅係龍友及數碼仔已經被剔走，而唔靠後製影唔到相嘅「達人」同埋「一個步驟就提升至藝術境界」果啲二打六攝影導師都唔 pass。

以前我畫畫時都遇到一個 model 兼同學，佢都有差不多嘅諗法，結果我同佢響沙灘用菲林機影咗一筒相，影完我俾佢攞走去曬：「攞去曬，可能有一兩張唔得，其他冇問題」，結果當然冇問題。

Homan

我都算係一個全職職業攝影師
我反而唔會限制 Photoshop / Lightroom 之類
Auto 不 Auto mode 意義也不大
（雖然我真係有好多年未用過"P"或"Auto"）

Photoshop 和 Lightroom 在我角度不一定是你說那種「美圖秀秀」式的「改圖」
我比兩個例子你，就是用 Lightroom 的前後：
呢張相係一個 pre-wedding 工作的照片，現場的草葉及環境，就算我打燈亦不可以令主體突出，所以我用了 Lightroom 去做了局部光暗調校：

遊客，如果您要查看本帖隱藏內容請回復

另外，有時會有水平角度問題（努力改善中⋯）
呢方面，在後製給予更大的空間
當然，我絕對同意按快門前是要好好安排佈局及諗清楚

luna

Homan 發表於 1-10-2014 10:17 PM
我都算係一個全職職業攝影師
我反而唔會限制 Photoshop / Lightroom 之類
Auto 不 Auto mode 意義也不大

Hi Homan
你講得岩亦都有道理
係認我唔係搵龍友同數碼仔，亦都唔係搵「迎合客人口味」的商業後製攝影達人
（我也承認後製可以讓更多人（或客戶）明白攝影師係張相想表達既野）
但我唔係要呢d.
其實我唔熟網上搵攝師，我都係第一次甘做。
所以我唔想講太多自己攝影經驗出黎，
原因係唔想我既經驗讓遇見我的同好因為我的文字而定形了風格
我就係因為風格局限了，沒有再進步也沒突破，所以想係原本之中尋求其他人的感覺

我對攝影，捌除商業元素，我遇上過的攝影同好只有一隻手數完有餘，合作數年，
有（拍檔）的情感，但我再沒有更多牽引對方的力量，
我這些年，拍攝要談（情），要商量，又要學習，
很多時候拍一個晚上才數張相紙最後又沒成功，相機器材大又重，先用數碼追個感覺出黎，感覺對了才砌相紙用手動，
雖然經常失敗沒拍的好，而我也知道相紙很珍貴，我見對方對拍攝的熱誠和執著，但我無法給對方心裡想要的感覺時候，卻不斷只選我去拍，

這樣我很內疚，
所以我才想找有根基攝影師去合作，
我很在意過程，很在意動作肢體協調和熟練後所帶出的感覺。


我也說過我不是職業模特，就是沒有模特

luna

就是沒有模特兒能引領攝影師（拍美照）的特質，
所以才要搵要夾。

可能我太過脫節，唔清楚坊間攝影有行規或潛規則，還停留在遠古年代=_=
如果唔岩channel，不好意思...

luna

egg_studio 發表於 1-10-2014 09:58 PM
依家太多人過分依賴後製，所以我上面話「唔講得」-- 我唔支持攝影層面上用後製；而後製應該用響創作層面上  ...

對的，後製是創作層面我認同
我也會把後製代為我根基不好之後補獲的（甜）品。
或是
哄模特兒/網民或客戶開心或例行繳交的「功課」。

年輕時，很喜愛修圖，
但如果把修圖變為工作，
便會倒轉過來想追求（儘量原汁原味）的感覺（好貪心-。-）

Homan

luna 發表於 2-10-2014 12:55 AM
對的，後製是創作層面我認同
我也會把後製代為我根基不好之後補獲的（甜）品。
或是

你同我相反，我係影菲林先進入數碼
一開始都好抗拒 PS 後製
後來了解到，適量的 PS 其實就是和菲林拿去沖哂時做的黑房技術一樣
所以慢慢接受有限度的 PS

到後來，看過、接觸過的照片、人、客多了
就了解照片其中最重要的兩個元素：美、時機

一張照片好不好，就是看照片的人覺得美不美，或是那照片有沒有掌握到某 critical moment
後者主要在新聞紀實中會體現到，而我們做 portrait 照片的，第一個元素就更為重要了。

不論有／沒有後製，一張令看照片者感動、喜愛的照片就是一張好的照片
正如你說，有人喜歡用美圖去執個V煞面，超大眼；也有人喜歡不經意的自然風格；亦有人永遠看自己不順眼，永遠看不到臉的剪影才覺得是好照片⋯

所以，我絕對尊重你對成品有要求
我只是有感而發，講出我對後製的睇發而己。
對我而言，照片只有美與不美和時機對不對，沒有所謂有／沒有後製來區分。
（當然，我指的後製，就好像大部份攝影比賽一樣，只接受曝光、對比、飽和度等的調整，而不是天馬行空改頭換面的「插圖」）

alexphoto

啱我喎，因為我不懂p圖

egg_studio

你有呢種堅持嘅 model 我響「畫壇」見不少，亦好平常，而呢種正係畫畫 model 需要嘅「性格」，所以建議妳不如做畫畫 model，應該更容易搵到你想要嘅嘢。

所以「畫壇」入面嘅 model，一般唔會係龍友數碼仔果一班，你留意吓相關嘅招聘啦（另外，商業啲講，model 價高過影相 model 好多倍）。