Canon 50mm f/1.2L vs Sigma 50mm f/1.4 近攝小試

Homan

剛剛入手的 Canon 50mm f/1.2 L 用過後感覺不錯，但一直未有同時把舊鏡 Sigma 50mm f/1.4 作戶外比較。
今晚想把 S1.4 post 出來放售，所以也順手玩玩。

首先，比較一下外觀。
筆者手中的 S50 是舊版，鏡身表面經過幾年後有少量但明顯「甩皮」的情況；就算不計「甩皮」，整體手感及質感仍不及 C50L。


然後就是拍攝測試，就用筆者朋友送的北極熊熱靴蓋做主角，配合網上找來的北極背景吧！
對焦點是中央的北極熊鼻尖。
先去S50 的全開1.4 vs C50L 全開1.2


可以看到，C50L在全開1.2光圈下，邊位的失光可以用「嚴重」來形容，而且中焦點仍然後移（對焦點在鼻尖，但 Sharp 位在前腳）；
而 S50 在全開1.4光圈下，明顯失光沒有C50L 嚴重，而在沒有 cal 的情況下也算沒有出現移焦的情況。
當然，1.2和1.4有小半級的區別，所以我們再看看 C50L 在1.4 下，表現又如何：


鏡頭是走焦不用懷疑，而 sharp 位的 sharpness 則比 S50 佳，失光情況也比S少了。
下一組是兩鏡同樣以比較細的 f/2.8 來比較一下：


以中焦的位置來說（C50L 在前腳下）C50L 在 Sharpness 上完勝 S50，而且顏色輕微豐富，在同一WB setting 情況下，亦比 S50 輕微偏暖。

總結一句，S50 以 C50L 的三分一價錢來說可以說非常超值，絕對做到 C50L 八成的效果，而且細心留意下，會發現 S50 的變形控制比 C50L 更佳，可能歸功於 77mm 的前組吧？
不過，兵器就是一吋長一吋強，C50L 在實拍下的焦外散景非常漂亮，柔美的散景不規則地繞著中央旋轉，當主體背景為深綠色的細密樹葉時感覺最為突出，令照片散發著一種吸引人目光到主體的感覺；
就算 Canon 的其他 L 系列大光圈變焦鏡也做不到（例如 70-200 f/2.8 IS L II）
所以個人仍然覺得， C50L 對筆者來說仍然是老套的一句「有買貴、無買錯」

egg_studio

今晚想把 S1.4 post 出來放售

<-- 快 d 放咗我支小白五代先啦 !!!!!

egg_studio

顏色輕微豐富 <-- 又輕微又豐富，好似去茶餐廳：「伙計，唔該寫杯熱紅豆冰！」同出一轍！

willywong

係咪啲resolution有問題,點解好似冇張清既.
eggstudio兄,應該係話凍紅豆冰,....紅豆冰有唔凍既咩!這句出自中學時期在大角咀愛得華荼餐廳某同學叫餐飲時比我們笑爆佢!

egg_studio

紅豆冰冇熱㗎咩？顏色都有又輕微又豐富啦。

應該試幾張 f8 睇睇 。

Homan

egg_studio 發表於 8-6-2013 12:52 AM
紅豆冰冇熱㗎咩？顏色都有又輕微又豐富啦。

應該試幾張 f8 睇睇 。

我其實想講「a bit more saturated」
中文用「飽和」唔應該用「豐富」

Homan

willywong 發表於 8-6-2013 12:45 AM
係咪啲resolution有問題,點解好似冇張清既.
eggstudio兄,應該係話凍紅豆冰,....紅豆冰有唔凍既咩!這句出自 ...

D相我 resized 到 1620 x 1080, 係有少少 blur
另外D相我手持，1/125 快門，加上全開光圈，的確 sharp 極有譜

回蛋工作室兄，我自己覺得呢支鏡去到F8應該無乜分別，所以無比較。

egg_studio

因為50mm+f8+無限遠呢個「理念」（自問不是沉溺大光圈嘅新手），所以有興趣睇睇f8之分別。

Homan

egg_studio 發表於 8-6-2013 02:45 AM
因為50mm+f8+無限遠呢個「理念」（自問不是沉溺大光圈嘅新手），所以有興趣睇睇f8之分別。 ...

昨天由馬油塘村走到調景嶺，又試左幾張 f/1.2 及應你要求的 f/8 相～
（按：昨天試相後已把鏡頭送到 Canon CS 調校，Canon 亦借出另一支 50L 給我暫用。）

首先來幾張 f/1.2 隨影


再來就是兩組 f/1.2 及 f/8 的比較照片了：

egg_studio

是「50mm+f8+無限遠」，不是「50mm+f8」......

Homan

egg_studio 發表於 10-6-2013 11:18 AM
是「50mm+f8+無限遠」，不是「50mm+f8」......

好采都有，50mm/f8/無限遠

egg_studio

因為試 50mm 鏡時，好多時要試 「50mm+f8+無限遠」，因為呢個組合，如果支鏡頭「正常」，最近一至兩米起至無限遠景物都會清晰，即係話，同時 set 做 manual 對焦，亂影都唔會 out focus。（以前影 xx 相時就係用呢招，隊部機埋去 xx 度或者高炒 xx 一定中 focus！）

Homan

egg_studio 發表於 10-6-2013 12:02 PM
因為試 50mm 鏡時，好多時要試 「50mm+f8+無限遠」，因為呢個組合，如果支鏡頭「正常」，最近一至兩米起至 ...

喔～ 聽過，好多傻瓜機、用完即棄相機都係用呢個setting
好似叫「超焦距」

willywong

一般而言, 最佳光圈出現在最大光圈收缩2檔或者3檔的位置.
比如最大光圈為f/2.8的鏡頭,最佳光圈為f/5.6或者f/8。

egg_studio

Homan 發表於 11-6-2013 06:36 PM
喔～ 聽過，好多傻瓜機、用完即棄相機都係用呢個setting
好似叫「超焦距」 ...

並非一定傻瓜機。真係影相搵食，例如記者、影 xx 相或者唔屬於「幾個步驟就將照片提升至藝術層面」果 d 層次嘅婚禮攝影一般會識得呢個 setting 應付混亂、緊急嘅場面，好似要跑住影、追車、舉機等，為防止 auto focus 唔知對咗去邊（例如前面條友果頭殼頂或相機 -- 因為佢都舉機），所以要用 50mm+f8+無限遠。

所以若鏡頭響 50mm+f8+無限遠 影出嚟唔清，咁就可以留番俾新手用。

Homan

egg_studio 發表於 12-6-2013 12:18 PM
並非一定傻瓜機。真係影相搵食，例如記者、影 xx 相或者唔屬於「幾個步驟就將照片提升至藝術層面」果 d  ...

受教！ 我中二攝影學會呀 sir 有講過，不過當年乜都唔識，亦無用菲林去 practice 超焦距

hawaiiandaily

講起無限遠對焦，現在初用中片幅 645 35mm 定焦手動鏡，發現遠景好多時要用無限遠先對到，風景照測光真係冇幾何測到用 f/2.8。反而出既數值出 4.5 / 5.6 / 8 比較多，遲下曬左 scan 出黎大家又究研下

egg_studio

hawaiiandaily 發表於 14-6-2013 11:33 AM
講起無限遠對焦，現在初用中片幅 645 35mm 定焦手動鏡，發現遠景好多時要用無限遠先對到，風景照測光真係冇 ...

中幅機因為底片面積大，所以物理上要將主體放響遠嘅地方。相反，135機、儍瓜甚至手機，因為感光元件細，技術上容易做到微距。