hawaiiandaily 發表於 11-4-2013 11:03 PM
夾硬推 ~ 起哂渣 ！點解唔多張合成？我 ISO 3200 一樣影到但我個人唔鐘高 ISO 起渣相所以唔影。
...
所謂「高 ISO 起渣」其實並非係唔好嘅事，有時候若你當攝影係藝術嘅表現手法，適當利用所謂「渣」係可以表現出另一層次嘅意識形態或意境。從菲林學攝影嘅人，會用高 ISO 菲林，例如 ISO 1000、3200 去拍攝，得出低反差、高噪、粗粒的效果，亦會專登去買過期菲林，或沖相時 push 沖（所以菲林單鏡機一般都可以調校 ISO，有冇諗過做乜入筒 ISO100 入去要 set 做 ISO 400 呢？）去做（正確用語係「實驗」）「起渣」。
另外，有時我影黑白相時，會有人問點解唔影彩色，然後返屋企轉做黑白吧？其實兩種方法係創作層面係完全不同嘅事，如果明白當中分別，影出嚟嘅相會係兩張唔同嘅相，並非可以響 Photoshop / iPhoto 彩色轉黑白咁簡單，不過呢個 post 主旨係樓主比較 hardware，所以有興趣可另開 post 討論。
其實，要試 120 ，唔駛一定要買 "正統" 120 機，買部 toy cam 都得。要知道，藝術層面上，包括/容許某 d 不確定因素存在，會得出意想不到效果。即係，用部 toy cam (由於冇得控制光圈快門)+ 過期菲林 + push 沖得出嚟嘅結果，係所謂「後期 / photoshop」等做唔到嘅嘢。（而且對於新手，用 toy cam 會學習和進步得仲快，好似學攝影會先用 manual 機一樣，就係為咗了解及掌握呢 d "不確定因素"）
至於由不確定因素嘅結果，變成你的創作，就依賴實驗、判斷及選取，即係試多幾張，然後將唔對路果 d delete，令佢永遠消失，得出最後作品。經過"實驗、判斷及選取"後，"不確定因素"就轉化成為自己的意念，delete 埋個水印後，龍友沙龍就有機會升格為藝術/接近藝術了。
(所以，有時聽人講，話藝術不能用言語表達，又話有幾抽象，其實，所有叫得藝術都有強大、經過反覆驗證嘅理論及經驗去支持，不過，理解就要時間探究，所以對於現今數碼年代、一按即有嘅新一代新手，佢地寧願花時間響「後期」、Photoshop、背誦邊支鏡有幾「利」，也不願花少少時間去理解乜嘢叫攝影，加上坊間有 d 雜魚攝影師開班吹「讓你的作品提升到藝術層次」，真係冇眼睇。)
發表於 12-4-2013 00:10:43
發表於 12-4-2013 11:06:06
發表於 21-4-2013 00:58:22