買 filter 買米唔知價

egg_studio

需要買塊 UV filter，77mm，大家知唔知大約乜嘢水位？

事緣係，今晚去 MK 某大相機鋪......可能我 d 相機襟用，所以 10D 用極都唔駛換，搞到買米唔知價......（以下對話 100% 真確）

我同店員講：「唔該我想要塊 77mm UV filter。」

當時冇特別講明係用嚟當 protection 用，咁店員攞咗三塊 filter，冇標價。

咁我問：「幾多錢？」

店員：「呢塊質素唔錯，好多人用緊，$3500」

我諗，protection 乍，買支鏡好過啦。所以，問第二塊幾多錢。

店員：「呢塊 $1800」

我說：「咁最平呢？」

店員：「呢塊 $350，質素一般，但都用得過。」

結果我急 call 朋友，立刻上樓上買塊兩舊有找嘅高質素 UV filter。

willywong

$3500?咩filter呀!我唔信好多人用緊囉!

willywong

b+w uv都係6佰,7佰到至嗎（雖然講緊年幾前嘅事)

egg_studio

R 字頭的牌子......

我急 call 朋友時都問，係咪 77mm 大塊 d 所以貴 d？佢都唔信 $3500 一塊 UV

egg_studio

willywong 發表於 30-11-2011 10:35 PM
$3500?咩filter呀!我唔信好多人用緊囉!

你專業攝影師當然用唔起 $3500 一塊，就好似踩十萬/十幾萬蚊單車嘅多數係新手一樣道理。

Homan

你係唔係去彌敦道有個「Tax Free」／「Duty Free」光管牌果D鋪問？

egg_studio

Homan 發表於 30-11-2011 11:52 PM
你係唔係去彌敦道有個「Tax Free」／「Duty Free」光管牌果D鋪問？

當然唔係，係 MK 某大相機鋪，所以先有 d 高質素又多人用嘅 filter 賣。

willywong

egg_studio 發表於 1-12-2011 07:42 AM
當然唔係，係 MK 某大相機鋪，所以先有 d 高質素又多人用嘅 filter 賣。

係咪孖成?佢地d sales出晒名好客，你個樣唔pro,港客或走去問佢地覺得唔想答既問題，隻眼永遠唔會望住你答。

egg_studio

原來已經變咗相機界嘅野牛......

神秘人

吓.... "口我"....

Homan

神秘人 發表於 1-12-2011 03:13 PM
吓.... "口我"....

無證無據咪亂post 相，一陣比人告，我篤你出來啊…

willywong

城中太多相機舖，實有ㄧ間係左近

egg_studio

Homan 發表於 1-12-2011 04:19 PM
無證無據咪亂post 相，一陣比人告，我篤你出來啊…

神秘人兄估得啱，真係呢間，我嘅經歷全屬真確，你可以去試試問吓幾錢一塊R 牌嘅 UV filter ，順便可以試試有冇海鮮價，因為我個樣唔 pro。

c_Foo

旦兄似大陸高干子弟, 開$3500實在比足面.

認真D分分鐘上VIP房開支紅酒打盞燈比你睇下塊 FILTER 通唔通透, 成惠三萬五!

egg_studio

c_Foo 發表於 2-12-2011 01:12 PM
旦兄似大陸高干子弟, 開$3500實在比足面.

認真D分分鐘上VIP房開支紅酒打盞燈比你睇下塊 FILTER 通唔通透,  ...

咁又係 -- 當日放工，所以打呔裇衫西褲，風度翩翩，何止大陸高幹，直情係領導人個仔，幾千萬身家、手握兵權咁嘅樣，加上當日出咗糧，面帶金光咁行入去，怪不得怪不得。

假如同一個形象行入野牛唔知會俾人介紹踩架乜嘢單車呢？