sportsoho 山地車越野賽 及 兩項鐵人 部分相片

egg_studio

星期日有幾位車友參加。原本平坦嘅草地賽道，經過連日大雨，變成有難度嘅泥濘路，而賽會突然將每圈長度增加，及減少跑步距離。不過話雖如此，響泥濘路踩單車極費勁，亦考技術。由單車轉跑步時立刻腳軟，事後諗番應該因為賽道為平地+泥漿，不似平日踩開果 d 大上大落越野山路。踩泥漿時由於甚為平坦，因此雙腳反而冇得休息，要不斷踩足 15 km (平時山路時落斜雙腳可抖抖)。

賽事時有早已參加完齋單車項目嘅 Bono 兄及其隊友 feed 水，下次你地出賽輪到我 feed 你地！

而大會今趟搞得好好，有水洗單車、有車位泊車、有更衣室，值得一讚。


呢 d 公開賽，女子組無論幾多人參加，一定係 Christian 攞獎。


一睇橙色古跑，就知係邊位。（大會官方照）


（大會官方照）


（大會官方照）


（大會官方照）

而 Christian 影嘅相響佢 Facebook，自己友 tag 咗就自然睇到。

Homan

咦，咁睇其實呢個比賽，只要有心就可以參加，技術含量比較低吧？

egg_studio

如果冇落雨的話，你講法應該冇錯。不過落完雨之後路面變成泥濘，你可以到 Facebook 睇吓我朋友影嘅相。

不過，當日好多人都用大會的租車，而從技術及體力睇得出係為參與而參與。我覺得多人玩，不論係唔係專業車手或新手，多 d 人參與自然多人 / 機構推廣呢 d 運動比賽。

garfield

多謝你地，攪到我之前一個禮拜要拖埋發電機去整閘！

egg_studio

整好咗下次唔駛再整。

有冇落場試吓條路？

willywong

其實當日同多位車中勁人及車友賽後談論賽道條件,大部人也覺得每一圈也相當之費力,且要在泥水中怎樣的車檔控制,是整項比賽的關鍵.在今次某單位初攪的單車比賽的水平已相當不俗,除週邊配套外,三佰人的參賽者在香港近一年已沒有出現過.不去比較參賽者水平,有相當人數參與比賽項目,即是還有一大眾車友希望有機會能出來想一展身手.眾車友吹水時也為今次比賽而高興,亦心知某單位攪賽事是有「一手」的情況下也來報名是因為無論大會攪得好與懷,也要支持本地單位.這心態或多或少是在於兩星期前單車聯會在上水天平山舉行的山地車比賽上,有兩位青少年山地車香港代表隊因overheat而倒地.可惜單車聯會既沒有救傷車及人員在場駐守,聯會帶來的所為急救箱內根本沒有急救用品可用,就這次事件可看出受薪的體育聯會中高層有一定的辨事能力.

egg_studio

Result 已經公布，不過我比人 DNF，因為最後一圈 sense 唔到粒 chip....

似乎下次過 checkpoint 時要將隻腳放落地下一次...... 或者好似 Action Asia 咁用 RF 就唔會發生呢 d 問題。

Homan

總會的人… 算罷啦… 有一半的總會請的SE （Sport Executive）是行內私相授授，每個月領兩萬但無所事事…
（當然有些是公開招聘，我好多師兄弟姐妹都在總會做，但也深深感受到中間的人事關係的複雜）

ymk

hello 各個, 多謝比面 post 左我張相出黎
總覺得 lee 啲比賽, 女子組真係着數好多, 男仕們永遠要掙餐死, 而完成到嘅女仕幾乎都可以有獎.  無論如何, 我都想多啲女子參加, 熱鬧啲嘛!!