受制於酷熱天氣警告,GD 上半場表現完全走樣,於Benny失位下,被對手無人看管接應罰球傳中頂入.下半場全力反擊, 但多次埋門無攻而還,結果結束今季賽事.
於中午1:30分開波的銀牌比賽, 於近34度的高溫下進行. 開賽不久, GD 隊員明顯因為太熱未能適應下, 未能組織出有效進攻, 後防線又因Benny(本人) 沖檔右閘, 多番被人突破成功, 尤幸一對中堅演出稱職, 化險為夷. 於20分鐘, 精確於進攻路線右路, 約離門25碼位置迫得罰球. 對手開出罰球傳中, 皮球越過一對中堅, 7 號仔於Benny未有追迫下頂中, 皮球剛好lum過Homan入網. 下半場, GD調入家輝, 把樊潤移後至右閘, 由阿贊打回善長的右翼, 成功解決後防問題並制造了不少埋門機會. 中段開始, 對手體力下降, 雖多番換人, 但反因默契不足, 被GD 圍住半場狂攻. 而Alex 及家輝更多次突破及搶走對方腳下球, 製造多次入球機會, 可惜大多是波球門前略過或未能射中目標. 而最有威脅的, 應數Alex於左路邊線發難,力壓對手推入禁區, 吸引了多名守衛後傳中, 贊於右路殺入打算勁抽掛網, 可惜皮球中橫眉彈出. 及後Alex 再力壓對手於守門員出迎前射門, 皮球再一次於小禁區內橫過門前. 此球更令對方球員內訌. 剛好球証吹雞完場, 否則應可再做出更多威脅.就此GD 完成了今季所有賽事. 而門神Homan也完成了告別賽.
|
發表於 18-2-2009 11:09:29
打什肥佬
