|
|
登記成為會員，看更多精采內容！
您需要 登錄 才可以下載或查看，沒有賬號？登記成會員
×
今日跑完Bonaqua Action Sprint 第三場比賽，趁得閒寫果小記，希望各位唔好掛住坐 office，閒時都玩吓跑吓。Robot Doll 本來由兩個人，得番一件，好似日本組合 ZARD ，希望唔好咁唔老黎。
淺水灣:
特色係當日仲係好凍，冇記錯應該得 12度左右。一開始就由碼頭跳落水，雖然水唔深，但都幾凍。之後從海平面跑上紫羅蘭山，再落山向大潭水庫走。
到達大潭水庫後，沿澗緩緩上番紫羅蘭山腰，之後跑"轉埋個彎就到"嘅引水道，落番山到淺水灣。
梅窩：
呢條路線已經參加咗三年，頭半係正常過正常嘅山路。到貝澳後就要落海，沿海岸走入唔知乜名石澗。沿石澗而上，有 d 幾有趣又唔難嘅抓繩玩吓。之後落番山後沿番海岸線返終點。
東涌：
東涌路線主要係石澗。先響東涌跑 d 行人路 (都十分悶)，然後游過一條約二十米的河道。今日唔凍，所以冇淺水灣果次咁一跳落水就"呀"一聲。不過上兩次游水經驗，着住行山鞋、頭盔及太陽眼鏡游水係好辛苦。我寧願跑多五公里好過落水，而且上水後全身都濕透，要帶多幾磅水響身，對鞋特別重。
由石門甲沿河逆流而上，到東涌路後直剷上禾寮墩，之後急速下山，呢條路好斜，我跟住一位壯男 (後來先知佢係消防教官)，一口氣幾分鐘就衝到落黃龍石澗。其中有幾百米係密林石澗，風景十分優美。黃龍石澗水流唔多，所以可以響乾嘅石上慢跑，不過當全身都乾晒時，最後都要跳番落河，仲要搞到成身青苔。最後又跑番條十分悶嘅行人路返到終點。
下次係西貢，Hawaiiandaily 參唔參加？至於最後嘅 dBay ，我仲有一位朋友已報名。
大笪地 Dash 隊員諗諗玩唔玩~~~ |
|
發表於 3-4-2011 21:37:08