家庭電器開箱文

egg_studio

用咗幾十年嘅家庭電器已開始老化，計有雪櫃壞咗 (唔識製凍)、洗衣機唔識放水，所以行咗幾轉電器鋪，買咗一個雪櫃及洗衣機。

雪櫃及洗衣機呢 d 唔係平時會留意嘅電器，特別係洗衣機，原來依家 d 洗衣機好多功能，但價錢普遍比當年買果個平咗。而且由於我住村屋關係，地方比較大，而洗衣機及雪櫃大 size 原來相對比細機平，而且村屋可以用低水位洗衣機，價錢又平多幾百。

洗衣機除咗各種洗衣程序，呢部仲有浸洗，我通常用嚟洗抹完單車及車，及好污穢嘅布。另外有風乾功能，(我老婆話)報稱會令 d 衫乾咗唔會皺。



我對洗衣機嘅要求係有透明蓋，可以睇到入面洗緊嘅衫。



雪櫃又係大 size 比細 size 平，所以有咁大買咁大。呢個三門機最底果隔係個蔬菜櫃。我比較過以前果部普通雙門雪櫃，蔬菜一般可以 keep 一至兩星期，適合我呢種一個星期先買一次餸嘅家庭。



雪櫃比我高.... 有 180cm 高。



冰隔已經大過以前果部嘅 "下隔" (雪汽水果隔)



"下隔" (雪汽水果隔)，因為平時餐餐清，冇隔夜餸，所以一般都係用嚟雪汽水啤酒 -- 上次 AAE 比賽時螞蟻搬家果 d 啤酒終於飲晒。



蔬菜隔可以雪兩個大西瓜。

兩件電器都嘅能源效益都係一級。

Homan

快D放多D啤酒、汽水… 等我地來勁飲一餐～～

alexphoto

咁我地下次去北區踩完單車一定黎你屋企,因為可以洗車,洗衫,沖涼,按摩,仲有冰凍汽水啤酒, 今鋪仲唔蝕死你