Descent Part 2 (魔洞 2 ) 簡評

egg_studio

之前講過，我喜歡看怪獸、動物食人之類電影。四年前響美國時睇咗電影 Descent (魔洞) ，事隔 4 年香港終於上第二集。

簡單講吓故事，Descent Part 2 故事係接住第一集，係女主角逃出山洞後發生嘅事。最好睇咗第一集先可以明白第二集做緊乜，特別係第二集已經冇交待番 d 怪物響邊度嚟。

劇情方面，94 分鐘冇乜冷場，冇乜拖拖拉拉嘅劇情，不過劇情十分簡單，冇咗第一集對於女角們為咗生存而互相出賣嘅元素，換咗今集配備咗索用工具嘅搜索隊，減少咗對人性刻劃，但趣味就多番少少。

氣氛方面貫徹第一集，一樣係封閉嘅山洞，不過唔係上一集果種全黑環境，但總括都十分恐怖 (此為三級片)。特技我唔太看重，平心而論，以現今電影影趨勢 (浪潮)，呢套戲冇乜特技，反而令人看得舒服。呢種 "hardcore" 恐怖怪獸片 -- 如上集一樣 -- 我都係講如果你屋企電視只有 100" 以下，唔好等 DVD，應該入場睇。