|
|
登記成為會員，看更多精采內容！
您需要 登錄 才可以下載或查看，沒有賬號？登記成會員
×
今日下午快速公路返粉嶺時，前面一輛拖頭+拖架，拖架上面堆滿疑似建築廢料 (因為有 3 秒距離，所以睇唔清楚)。
突然拖架上跌出大量石屎及木塊，其中一塊約 4" x 6" 石屎擊中我架車 (其他行車線車輛都應該一齊 "拉" 嘢)。我即刻停在路肩上，檢查損壞，不幸中嘅大幸低只係車牌撞爆， bumper 、裙邊及其他地方冇事。
之後立刻開車追架拖頭，而我老婆同時打 999 報警。不久後已追到拖頭，並向 999 警花讀出車牌及車輛特徵。
後來拖頭離開快速公路。本應繼續跟蹤拖頭，但 999 警花謂必須停響安全地方等候交通警處理，因此停泊在路邊，拖頭離去無蹤。
幾分鐘後交通警駛至，落口供後表示會跟進，但我表示不打算追究，因為做過個車牌都係幾十蚊貨仔。
點知突然間，拖頭響我及交通警前駛過 (拖架上建築廢料已御下)。交通警立刻上前"熄匙車牌身分証"。
響斷正情形下，拖頭司機 say 晒 sorry。後來佢老細都走埋嚟 say sorry (咁我估佢間公司 + 御貨地點響附近)。本來都係諗住算 (冇諗過要人賠錢)，等交通警警告佢幾句就算，但交通警講咗句："雖然冇人命傷亡，但我可以當交通意外處理，你 d 貨物縛得唔穩，我可以告你 xxxxx (唔記得條罪名)，加上你又撞到架 XX (我架車個牌子)，人地仲係原廠車牌，仲有公路上面跌落嚟 d 嘢...... "
老細："咁係咪要上去執番?"
交通警: "咁唔駛啦，咁多車都執唔到㗎啦，不過你以後要小心 d 。"
後來老細都象徵式賠咗車牌錢比我，而我就要司機響我及交通警前講："以後要小心縛好貨物，要用帆布縛好。" (好似要學生講我以後唔敢 xxx 咁) |
|
發表於 7-4-2010 00:00:03
發表於 7-4-2010 10:42:43
