討論：增加單車徑數目及距離的可行性

egg_studio

香港近年踩單車人數越來越多，計有以單車作休閑和運動目的，亦有隨新市鎮發展而利用單車作區內交通用途。不過，香港單車徑距離及數目沒有隨車手人數而上升。

單車徑方面，政府雖然已落實將現有單車徑連接成一條從大圍--沙田--大埔--粉嶺--上水--落馬洲--元朗--屯門--荃灣，長 100 km 的單車徑，但越野單車徑方面卻未見有拓展的計劃。

早前政府曾委托一顧問公司以問卷形式詢問過一 d 車手，了解增加多 d 越野單車徑的可行性，當然越野單車徑之增加，需要平衡行山人及車手，尤其係越野單車車速及破壞力會對行山人士構成危險，而且行山嘅人始終多過踩單車人，所以政府都傾向冇咁好主動。

現有 10 條官方越野單車徑。呢個 post 係想車手們表達吓香港有邊條行山徑有可能成為越野單車徑？

提議：

1) 北潭涌至東壩 (呢條雖然唔算 "越野") -- 一來北潭涌至黃石或海下已經可以踩單車，而至東壩呢條路同樣於禁區內，汽車流量比往黃石或海下更少。二來可直達地質公園，解決交通問題。

2) M4 -- 不過可以由馬鞍山村（馬鞍山郊遊徑）開始，避開水浪窩上大金鐘一段麥徑。此路線可直達飛鵝山沿馬路出市區。

3) 城門水塘經林道（馬路）至鉛礦㘭，再落大埔。

4) 把川龍、甲龍呢兩條非法路線合法化。

5) M8 -- 鉛礦㘭--大帽山--荃錦坳

另外，部分路段可參考釣魚翁越野單車徑，星期日及公眾假期不能使用，以平衡行山活動。