香港大笪地

 找回密碼
 登記成會員

Login

搜索
香港大笪地 大笪地 編輯推介 查看內容

尋找N57的故事

6-11-2017 07:57 PM| 發佈者: egg_studio| 查看: 70| 評論: 9|原作者: EricDelta

摘要: 近月事忙,最近終於可以抽空講下嘢 九月份的時候,小弟同另一位大笪地版友走到深山,尋找一條被 CEDD 寫住 N57 的廢置隧道。 一般嚟講呢啲廢置隧道大多係二戰期間由日軍興建,後來 80 年代政府先逐一搜尋並紀錄在案 ...
近月事忙,最近終於可以抽空講下嘢
九月份的時候,小弟同另一位大笪地版友走到深山,尋找一條被 CEDD 寫住 N57 的廢置隧道。
一般嚟講呢啲廢置隧道大多係二戰期間由日軍興建,後來 80 年代政府先逐一搜尋並紀錄在案。
本來其實興趣唔大,不過從網上搵到了一篇新聞,勾起了筆者想尋找 N57 的好奇心。

首先來個 N57 的地圖
1.png

網上的新聞咁講:隧道由日軍興建,直到戰後都無被發現,後來被一班省港奇兵佔用並將隧道用作軍火庫,2000年的一次警方行動中無意搗破呢個「私竇」。隧道隱沒一座荒廢的山莊內,並係屋嘅入面搵到隧道的入口。而該山莊其實係一班省港奇兵同一班親中村民的聚居地。

不過當時其實都未知呢條隧道係咪真係 N57,不過都照搵啦
當日高溫達36度,爆左段林仔,終於都搵到個所謂的荒廢山莊
2.jpg
山莊有寫上「慶祝中華人民共和國成立三十八周年」,確實如新聞所述的一樣,證明這條隧道的確就是 N57

山莊入面的一些殘骸
3.jpg

之後利用官方地圖去搵果間屋同埋個入口
不過發現其實間屋已經消失左
最後只憑位置去希望搵到個入口
終於見到個草堆有啲形跡可疑
4.jpg

掘呀掘,又真係有所發現!
5.jpg

就是傳說中的 N57 入口
6.jpg

入到去,轉右就係地圖上的長長隧道的開端!
7.jpg

不知絲帶的用意?
8.jpg

隧道只夠人半身走過,真的可以儲存軍火?
9.jpg

轉左,突出了的一 part 仔
10.jpg

再行少少就是轉右,本應是很長長的一條隧道來的,怎料 ...
11.jpg

原來隧道已經削走了 ...
換言之有八成的隧道消失左
12.jpg
當然唔排除隧道可能係一路落斜,不過比泥堆塞,又或者仲有其他「殘肢」
不過當日太熱了,都係下次得閒再戰

由出面影返個位
13.jpg

謝謝點閱
發表評論

最新評論

引用 [email protected] 6-11-2017 04:48 PM
精彩
引用 egg_studio 6-11-2017 07:07 PM
世界真係細,我本來計劃上星期去呢度,因為我住響附近,不過當日突然有事所以延期。你去之前嘅幾日,我夜晚去睇過(揸車經過,停一停行入去),但太黑,又見唔到「官方地圖」上嘅建築物,原來建築物已不存在。
引用 kaiboy123 6-11-2017 07:34 PM
犀利!大開眼界!
引用 egg_studio 6-11-2017 07:54 PM
用電腦睇得清楚啲,第 9, 11, 12 張相,影到隧道天花,睇落去好似以前係戰壕,然後響上面起間屋,情況係咪咁?另外,第 12 張相右方天花有數字,有冇留意寫乜?
引用 EricDelta 7-11-2017 06:59 PM
egg_studio 發表於 6-11-2017 07:07 PM
世界真係細,我本來計劃上星期去呢度,因為我住響附近,不過當日突然有事所以延期。你去之前嘅幾日,我夜晚 ...

我係9月中去喎,你都係?
引用 EricDelta 7-11-2017 07:02 PM
egg_studio 發表於 6-11-2017 07:54 PM
用電腦睇得清楚啲,第 9, 11, 12 張相,影到隧道天花,睇落去好似以前係戰壕,然後響上面起間屋,情況係咪 ...

無懷疑過以前係咪戰壕,但睇情況我都相信係就咁喺呢舊「門口」上面起間屋。
天花上面啲字真係無留意到,當時環境又熱又焗只係轉角位影出去就完
引用 [email protected] 7-11-2017 07:22 PM
請問個斷口,在現場睇個水泥頂似塌下定刻意向下呢?>
引用 egg_studio 9-11-2017 01:23 AM
EricDelta 發表於 7-11-2017 06:59 PM
我係9月中去喎,你都係?

我係大約三個星期前。
引用 野孩子 20-11-2017 11:20 AM
雖然唔知喺邊,但都謝謝分享。

查看全部評論(9)

東馬來西亞神山索道分享via ferrata-Low's Peak circuit
東馬來西亞神山索道分享via ferrata-Low's
第二次到東馬來西亞神山, 今次玩via ferrata. 有長,中,短線.短線 walk the torg 中線L
三不管地帶 -- 九龍城寨 -- 清拆前一遊!
三不管地帶 -- 九龍城寨 -- 清拆前一遊!
有朋友講起九龍城寨,先記起原來我冇 post 過當年入寨遊玩嘅相 ~~~ 咁立刻 scan !雖
大陸三線城市 80 年代動物園
大陸三線城市 80 年代動物園
前排去過國內一個三線城市嘅動物園,裏面格局十足 80 年代國家開放時(即係我細個時)
過百年歷史的軍火庫
過百年歷史的軍火庫
近期因為撞船而火熱的一個小島 其實島上面有一座存在超過百年,屬於十九世紀的軍火庫
尋找N57的故事
尋找N57的故事
近月事忙,最近終於可以抽空講下嘢 九月份的時候,小弟同另一位大笪地版友走到深山,
大埔沙螺洞
大埔沙螺洞環境優美, 而且非常易去到。 大埔火車站乘綠色小巴直達總站鳳園/嵐山起步
東馬來西亞神山索道分享via ferrata-Low
第二次到東馬來西亞神山, 今次玩via ferrata. 有長,中,短線.短線 walk the torg 中線L
大阪千日前道具街5大必買,5分鐘到黑門市場(
千日前道具屋筋商店街,離南海缐難波站Den DEn Town 方向走,2分鐘到這裏,再多行5分鐘便
城門碉堡 -- 醉酒灣防線尋「堡」遊
今日同大笪地領導去取材,順道暢遊城門碉堡。 城門碉堡係醉酒灣防線其中一處軍事建築
有人住?
去完某萬聖節有關嘅廠 地圖見到後山有個建築物 所以去望下 見到好似有人打掃的梯級 但

相關分類

聯絡|手機版|香港大笪地

free hit counters

GMT+8, 21-11-2017 09:52 PM

Powered by Discuz! X3.4

© 2001-2017 Comsenz Inc.

返回頂部