「東江之水越山來」東江水遺蹟探索之旅（下）東江水舊輸水河道「遺蹟」探遊~~
-Su_lcUXb-Q幾年前隊友寫過一篇東江水嘅英文文章，其實當時係同佢一齊做研究，因為好多資料是中文，佢睇唔明，最後英文版先出街，而我想做埋實地考察先出文，當一切準備就緒返大陸之時，遇上封關，一封就三年，所以呢篇東江水文章從籌備至完成，差不多用咗四、五年，算得上係我寫得最耐嘅文章。
用引號括住「遺蹟」，因為疫情前做嘅資料搜集，加埋問過東莞鄉里，知道二十年前東江水轉用新輸水管道後，舊河道呈半荒廢，最初以為河道及閘壩已經成為遺蹟，深入了解後，河道用作排洪 — 由於唔係經常排洪，所以污染好嚴重。
幾年前有啲人借東江水污染及價錢去「達到政治目的」， 斷章取義搬出一啲不能引證、廿幾年前的檢測報告、「倒水落海」，至近年有「 海水化淡平過東江水」的聲音，但不計算廠房的興建成本及污染問題。總之，東江水近年咁容易被用作政治工具，原因大概是飲就飲得多，但冇乜人知道東江水點樣流到香港，包括我響東莞的鄉里們。
本來今次是想以客觀記錄新舊輸水路線的景況，但通關前河道已進行整治工程，睇唔到原本河道係點？而本來以為係「遺蹟」嘅閘壩一直都有使用。
此外，今次頗重要的發現係，環顧網上、圖書館、水務署、立法局等等搵到的文獻，全部都冇提及東江輸水路線其中一條人工河道 XX 河（睇文及片有講~~ ）。我實地觀察，只要跟住輸水路線行 / 踩單車，呢條 XX 河明顯到盲都睇得到！點解冇人提過？我諗係，對東江水工程最詳盡的紀錄是電影《東江之水越山來》，電影好蠱惑，只對 XX 河拍攝十幾秒影像，但冇旁述或介紹，結果令習慣「天下文章一大抄」嘅學者 / 港英官員抄漏 XX 河。
上集講到去到上埔抽水站，今集繼續：
詳盡故事請睇我文章~~~
上埔抽水站旁邊是雁田水庫，水庫冇乜特別，所以唔係景點，但溢洪道就值得一看，因為同一個位置曾出現在電影《東江之水越山來》。
既然去到雁田水庫，當然要踩單車環湖一周，湖邊有鐵路，有平交道，不過汽車行唔到，單車行人就得。
白泥坑請睇影片，呢條唔係白泥坑，而係上文提及的「XX 河」。
深圳水庫邊有一條渡槽，負責供水予深圳。
呢度同東江水無關，踩單車經過時停一停懷緬下，這裏是沙灣二線，細個時返大陸要過二線。十年前左右逐步取消二線，歷史遺蹟建築拆咗。（另一幢近期先拆嘅二線係揹仔角二線）
https://www.photomarket.hk/data/attachment/forum/202304/18/010604fttszbt62axsr66d.jpg
深圳水庫~~
深圳水库旁的梧桐绿道适合骑单车，由东湖公园进入，至新平村结束第一部分，这部分大都沿水库边行进，风景不错，共约8km多 fabio00000 發表於 19-4-2023 09:42 PM
深圳水库旁的梧桐绿道适合骑单车，由东湖公园进入，至新平村结束第一部分，这部分大都沿水库边行进，风景不 ...
我本來諗住回程時踩東湖綠道，咁就環深圳水庫一圈，不過當日時間不足，所以只好踩原路（水庫西側的沙灣路），下次搵日踩綠道去鹽田 / 三洲田，另文介紹！
謝謝分享 egg_studio 發表於 20-4-2023 07:51 PM
我本來諗住回程時踩東湖綠道，咁就環深圳水庫一圈，不過當日時間不足，所以只好踩原路（水庫西側的沙灣路 ...
莲塘口岸过关，东湖公园南门入，走梧桐绿道到新平村/大望村，转往梧桐山方向，到梧桐山村走原边防线（石板路有点颠簸）到盐田
頁:
[1]