高街鬼屋 + 《高街油畫》（有更新！）
今次嚟一個充滿藝術氣息嘅探險之旅。幾年前我分享了高街鬼屋嘅菲林相，果篇文相耐不耐就有人炒一炒，可算是「月經 post」。前排又嚟 M，我突然諗起，當年去高街仲有我同學，佢有另一筒菲林，所以趁 M 到，就搵佢摷番筒舊菲林出嚟。
菲林入面除咗我影過嘅走廊、樓梯、房間之外，仲有花園、地庫及最重要最傳奇的……《高街油畫》。
對於《高街油畫》，好多報稱去過高街嘅人都話見過，但冇人有相，網絡上亦冇（網絡及媒體上只有我果輯相），今次都算係「首次公開」~~~ 要多謝舊同學翻箱倒籠！
先分享其中一張相，顯示 1991 年的情況，當時油畫已經被潑上白油及有反光，有幾個窿，其中一個見到後面的紅色牆壁及花園（果個位置是花園，不是街）。
至於油畫上畫緊乜？大家睇唔清楚唔緊要，我正用緊幾張不同角度的照片進行「復原」工程，分兩部分：
第一階段：補番白油及陽光遮蓋嘅地方，及分析畫的主題及歷史。呢部分差不多完成，有興趣睇歐洲歷史請留意我網站。（稍後出文 + 其他菲林相）
第二階段：畫番呢張畫出嚟，預計後兩三個月後先完成~~~ 我會響呢度分享進度，大家有興趣就留位~~~
橙圈是最大的窿；紅框是樓梯扶手，我之前分享的相都有大特寫。
（未完成）畫中有三個人對戰中，分別代表三個國家 / 地區。
此外，1992 年電影《大迷信》在高街拍攝，有一個鏡頭影到少少《高街油畫》，大家不妨對一對，睇吓認唔認得出係畫嘅邊部分？
用過底紙 + 水 + 塑膠彩在畫布起稿，粗略及快速地配置了光暗，下星期用油彩上色。 留名支持 留名支持，等睇畫修復 支持,多謝師兄分享 謝謝分享 用另一部更高質素的 film scanner 得到好少少的影像，然後畫番出嚟，其中約一半是原畫，另一半是參考同時期及風格的繪畫風格模擬出嚟。
下一階段用油彩畫番出嚟。
Thanks for sharing 更新一下先，已經用塑膠彩打底，正用油彩上色，先畫了人物背後的樹、河、山、城堡的雛形。
大約仲要畫多一個月啦。 謝謝分享 你畫嗰啲靚啲wor.... 野孩子 發表於 27-5-2022 08:37 AM
你畫嗰啲靚啲wor....
當年果張靚好多，不過中間塗污了，睇唔到，要自己創作。 似係十字軍東征? 者尺 發表於 7-6-2022 05:18 PM
似係十字軍東征?
起初我嘅論思維都係十字軍，但研究落去就應該唔係。
又更新一下，畫了少少馬及右人。
呢個post成個月冇更新，因為有其他畫趕住畫，但冇偷懶，就快完成了。
同學生研究過後，中間個人改了造型，比較符合歷史。
應該下星期可以正式出文了。 今日繼續畫，又有突破。
有一位讀者睇到我嘅文後，亦翻箱倒籠，搵到佢珍藏嘅一張菲林相，拍攝位置幾乎同我其中一張相一模一位樣，但比較鬆矇。
繼續深入研究底片，推斷白油下仲有第四個人（之前只見到手臂及身體，經調較底片後，見到斗篷），推論是二打二，即是某兩個國家各有兩名騎士戰鬥中。
因此，我都加多一個人，但未諗到臉部表情及手上有否兵器，要繼續研究底片。
重畫作品完成後，及得到對方許可，就連佢張相一齊分享啦！
頁:
[1]