「礦洞 Y」初探，當然未搵到
上月寫了「礦洞 X」，早前去「礦洞 Y」一帶作前期準備。做乜要「前期準備」咁大陣象？「礦洞 Y」位於新界東面，我問過嘅所有朋友都冇人知道 / 聽過「礦洞 Y」。
同「礦洞 X」一樣，一日未搵到，都未能證實曾經存在，所以唔會開名。
大約 10 年前，我認識「礦洞 Y」附近的村民，佢表示，「礦洞 Y」是約二戰前開採，是村莊 Y 私自開採的礦洞，產鐵礦，有幾個不深的洞。由於是「私採」，所以政府檔案處冇紀錄，更加唔好諗有牌照之類。
因為村民只係細路時跟長輩去過，所以佢都講唔出正確位置。而我簡單搵過 Internet 世界，亦冇提及過「礦洞 Y」，因此，10 年前我冇特別去立案調查，直至近 2 年冇地方去，所以將封咗塵嘅項目搵出嚟，即是「礦洞 X」、「礦洞 Y」, etc（唔止咁少㗎）。
由於做緊關於現時礦洞的開放計劃（仲進行中的，呢個 project 大家應該一定知），上個月得到一啲香港開礦嘅半官方文獻，竟然有輕輕提及「礦洞 Y」，位置及礦產都符合村民所講，因此，上星期揸車去望望村莊 Y 後山。
因為係返工前去，只係響馬路一帶行入少少，當然「礦洞 Y」唔係響馬路邊。今次主要了解地形及植披，擇日深探。
此外，之前搵唔到嘅「礦洞 X」有新發現，稍後另文介紹。
「礦洞 Y」位於村莊 Y 後山，二戰前是村民私下開採。
離開村莊 Y，有幾處人工痕跡，但未知與「礦洞 Y」有冇關係？
後山一帶過去曾是農田，而「礦洞 Y」是田後的山邊，所以應該要繼續入。
呢樣唔明係乜，
呢堆石，響 60 年代航空圖已被影到。
呢舊睇落好新。
barry 發表於 25-1-2022 06:27 PM
祝一舉即中
機會好細。如果咁容易一擊即中，就輪唔到我介紹 / MK 咁多人啦。
期待發掘更多未知礦洞 謝謝分享 期待！:) 加油呀~! 祝一舉即中:D 謝謝分享 真係探極都探唔完，依個就係其中嘅樂趣。 多謝師兄分享,祝成功
頁:
[1]