翻新中古 Olmo Competition 意大利鋼架（完成！）
J5F_RpSYqic前陣子踩幾年前在國內 OEM 鋼架單車廠訂製的「復古鋼架（新品）」巡航時，遇到一位唔識嘅車友，話有架擺咗幾十年冇踩過嘅「真鋼架」，唔要啦，咁就送咗畀我。（詳細故事等我翻新後先詳述）
呢架車係意大利 Olmo，配 Campagnolo Chorus 套件，不過上手應該換咗對轆，變成普通中古 Mavic 轆。
拆散曬成架車及零件，用藍 / 紅威寶及脫油劑清走所有舊雪油及千年漬，稍後拋光及上翻「現代」嘅雪油。車架做粗蠟、拋光、鍍膜，同汽車漆面做法差不多。
出文時已拋光了鵝頸，及車架打咗粗蠟，其他環節稍後繼續，有興趣請留位~~~
打完粗蠟及洗走千年漬後，雖然未拋光，但已經光亮，期待拋光後會更亮
翻新繼續：
車架及零件完成拋光，但等緊波線、剎車線及車呔，所以未砌得番成車。
揀幾件零件分享吓，我諗由於物料不同，同一個套件，有部分能夠做到鏡面，有啲唔得。
左：已拋光；右：未搞
波腳（後撥）是 Campagnolo Chorus 8 速，有罕有的 A-B Switch，這個 A-B Switch 稍後介紹。
一般而言，8/9/10 速飛輪的高度是一樣的，因此 8 速的單車很大機會能夠升級至 10 速。一般做法是換 10 速飛輪、10 速槍手和 10 速鍊，不過，早前把其中一輛公路車打散賣掉，剩下一對轆 + 10 速飛輪 + 10 速鍊，啱啱用得着！而且單車不用槍手，是用俗稱「雪條棍」的板手轉波，仲要係超中古嘅「無段 / 阻力」，好處係 10 速或以下乜都得，壞處是拉少少「雪條棍」，已經轉咗兩三個波，需要時間去習慣（而且，已經有廿幾年冇揸過「雪條棍」單車……）
以下影片係多年前同朋友翻新一輛鋼架，從 7 速升級 10 速「雪條棍」，可見「雪條棍」的強項是轉波超快，電變都追唔到。
JrXCpLnehLI
原車跟 Selle Italia Turbo 座位，大概因為擺得太耐，皮已甩，底座（膠）幾乎粉碎，無法修復，所以從 ebay 買「後生」少少嘅 Selle Italia Xo 錳弓座位，又咁啱有相熟單車鋪知我翻新單車中，執咗張倉底全新 Selle Italia Flite 鈦弓座位送畀我，我暫時試咗黃色櫈先，因為襯色，之後會試試紅色櫈。
晚上裝個 10 速尾轆，出街試試~~
有地方放單車就好玩，無地方放就無得玩 天地柱咋 大致上翻新完成，出街試車，搵番一個啱自己嘅 fitting，所以未包車把布。
之前貪得意，試過行 10 速，是成功的，但缺點是用「雪條棍」轉波，10 速齒片距離短，好拉推「雪條棍」時好難控制，於是玩完一輪後決定用番 6 速，因為 6 速最容易轉波，而且現今 6-8 速用相同的鍊，價錢平，想買條貴嘢都冇，飛輪除非用番原廠，否則又係平到冇朋友，誇張啲講，買鍊油仲貴過買飛輪，每次出車換過新飛輪都有限錢。
由於車架夠闊，裝對 Vittoria 黃邊 700-28C，比當年的 700-19/20C 靚。
最後，OLMO 單車翻新完成，回復大概 9 成新~~ 頁頭的影片亦已更新！
頁:
[1]