探洞裝備
見到好多師兄都有去探洞，因小弟是探洞初哥，裝備不足，想請教一下你們會帶什麼東西去探洞。此外，因為未知洞內空氣情況怎樣，你們會會帶儀器測量洞內空氣狀況嗎？初次入洞會否帶防毒面罩？請各師兄指教
我地有少少經驗，勉強分享一下。
裝備上，其實要視乎洞嘅環境去配置，不過點都有嘅嘢包括頭盔、急救、照明、食物等幾方面。照明及食物一定要預後備，例如電筒、頭燈等會有另一套後備，不單是後備電池，因為有機會成支頭燈電筒跌落井 / 洞裏，亦絕對不能用手機（又可以諗諗，電筒頭燈及手機都係 LED，假設你有 USB 後備電，點解唔可以用手機呢？）
其他裝備，例如上升下降等所謂 caving 裝備，都係睇個洞有乜需要。萬一某個洞冇人去過，咁就乜都要帶，或者先去一次探路，然後帶需要嘅嘢（國內有個天坑，因為落過去嘅人得 2 隊，而且落坑地方不同，所以去咗三次，第三次先真正落坑）
毒氣方面，又係要睇乜嘢洞。首先要了解「毒氣」從何而來及如何積聚？以馬礦為例，入口響海拔 240m 及 110m，所以產生對流，如果你入過，會感覺到有氣流（有時會好大風），呢種情況就唔會有毒氣積聚。另一例子，香港某礦洞，呈「倒轉大草 T 字」，入口響上面，下面兩端封咗，沼氣及 CO 比空氣重，所以絕對有機會積聚，因此當時要用探測器探探先。（可爬爬我嘅 video）
毒氣一般來自生物屍體及排泄，或煤礦及鹽礦會天然產生沼氣 / 天然氣（又可爬爬我嘅文），所以若洞裏冇乜生物，又唔係煤或鹽（例如馬礦是鐵礦，冇乜生物（馬礦屬少生物量的）），一般都冇乜毒氣。
另一留意係地下水，好多人會誤解，落雨就會水浸坑道，但某啲洞因深度或石質等，落雨至水浸可能要幾日至幾個月，例如（1）我地去過嘅「仙人洞」（可爬舊文），整個夏天都會浸曬；（2）香港十幾年前曾有學院做過研究（唔記得邊間了），雨水落響山上，至響山腳某石隙流出嚟，要 26 日。
最後就係香港探礦洞嘅新手常犯錯誤，就係冇救援及擬定路線：我地一定會有另一隊/個人響洞外 standby，而呢個人一定要 100% 熟洞內，有乜事，例如夠鐘未出嚟等，就要入去救人。假如你報警，警察及消防都唔識路，到時都係要你帶路。咁，假如某個洞冇人去過？就一定要另一隊人做洞外支援。又例如：香港某個礦洞，當年真係未有人入過（當年入面開工嘅人應該唔在世了），當時我地搵持牌無線電人響洞外及洞內 set 無線電……
戴頭盔：以上都係業餘分享吓，不能作專業意見！
newbie 發表於 17-5-2021 04:09 PM
多謝師兄指教
再有多少少問題
問題 3 已解答，可睇番樓上。
（1）至（4）冇標準答案，不同洞有不同準備及應對，因此我地講完又講，就係要有經驗及真正熟路嘅人帶領，如果冇熟人又經驗少，一定要跟隊。
但都可以分享吓經驗：
（1）玩洞怕濕身，不如睇片算啦。至於帶幾多嘢……有啲洞，落車後要行幾個鐘先到洞口，當然有得少就儘量少啦。有啲洞，揸車去到洞口，仲有啲可以泊車入洞，咁你想攞幾多咪攞幾多。
（2）乜方法都有，例如縛繩仔、粉筆字、疊石、地圖等，但唔會用噴漆，更加唔會簽埋自己個名上去。
（3）你特別提馬礦，所以特別答：「馬礦轉咗彎就收唔到」。
不過，一啲大溶洞，入面嘅洞廳就可以用對講機，因為空曠、冇轉彎。
（4）唔一定。一般開礦，點都會有地方排水，所以夏天冬天水量差別唔大，除非塞咗。至於天然嘅洞，例如溶洞，有水先會形成，所以好多時洞裏會有地下河（有時會有改咗道、乾咗嘅河床），你唔係要擔心積水多唔多，而係擔心啲水浸到上天花未，浸咗就留番下次等水位退到落心口先去啦。你可睇睇我寫嘅「仙人洞」及「漁水洞」，就知乜嘢叫差別大。又或者，有機會留意新界嘅井，睇吓井水與天氣關係，就知唔一定係落雨就水多（仲有我上面提過嘅 26 日研究）
此外，你所講嘅「洞」，我估只係講緊香港嘅礦洞，其實就算香港都有不同礦洞，由於採嘅嘢不同、年代不同、坑道方向唔同，所以情況不同。如果擴大到溶洞、水蝕洞、防空洞、地龍（呢度有師兄玩地龍，你可請教佢，我自己冇玩），就不能一概而論；如果有人答到你標準答案，即係佢只係玩一味 / 一個。
講開洞，因為封咗關，本來計劃去國內玩另一種洞，至今未成行。你可以估估係乜洞？（不是我以上講過果啲，國內有唔少，香港冇（應該），國外某啲國家都有，呢種洞，算冷門，但一講大家都會知，有興趣估吓，多回覆我先開估。）
多謝師兄分享 egg_studio 發表於 17-5-2021 10:23 AM
我地有少少經驗，勉強分享一下。
裝備上，其實要視乎洞嘅環境去配置，不過點都有嘅嘢包括頭盔、急救、照明 ...
多謝師兄指教
再有多少少問題
1. 有時探洞需時澗水，這時你會穿著什麼鞋呢？會帶鞋去換嗎？例如澗水一對鞋，探洞另一對？
2. 很多洞也沒有地圖，而洞內也四通八達，請問你們入去時會一邊行一邊畫地圖還是會沿途留有記號以方便回程時觀看不怕迷路？
3. 在洞內收不到電話，如何跟同伴或外界聯絡呢？一般的對講機在洞內能否正常使用？如馬礦
4. 探洞是否秋冬季節較好？因為過了雨季，積水理應減少
newbie 發表於 17-5-2021 04:09 PM
多謝師兄指教
再有多少少問題
3. 對講機係咪直線先得，轉咗彎就唔得？ ShingWong@G 發表於 17-5-2021 09:34 PM
3. 對講機係咪直線先得，轉咗彎就唔得？
轉咗彎九成唔得，再轉多個彎就100%唔得，所以當年去某礦洞要搵無線電人做中繼站。
其他問題稍後答。 egg_studio 發表於 17-5-2021 11:39 PM
問題 3 已解答，可睇番樓上。
（1）至（4）冇標準答案，不同洞有不同準備及應對，因此我地講完又講，就係 ...
多謝師兄解答
我響外國都有探過洞，不過會有教練帶住，香港無人帶，如果你地會開團有得報名就好了
另外想問問點樣知道個洞有沒有倒塌風險呢？過/入洞時需要留意什麼？
謝謝分享，又長知識了。 egg_studio 發表於 17-5-2021 11:39 PM
問題 3 已解答，可睇番樓上。
（1）至（4）冇標準答案，不同洞有不同準備及應對，因此我地講完又講，就係 ...
熔岩隧道？
egg_studio 發表於 17-5-2021 11:39 PM
問題 3 已解答，可睇番樓上。
（1）至（4）冇標準答案，不同洞有不同準備及應對，因此我地講完又講，就係 ...
""講開洞，因為封咗關，本來計劃去國內玩另一種洞，至今未成行。你可以估估係乜洞？（不是我以上講過果啲，國內有唔少，香港冇（應該），國外某啲國家都有，呢種洞，算冷門，但一講大家都會知，有興趣估吓，多回覆我先開估。）""
係咪天坑??
係上面望落去好黑好大個窿個D???
野孩子 發表於 18-5-2021 09:44 AM
熔岩隧道？
呢個玩過，唔係。（呢個冇片，有菲林相，要搵搵。不過，國內有？） msr008 發表於 18-5-2021 09:46 AM
""講開洞，因為封咗關，本來計劃去國內玩另一種洞，至今未成行。你可以估估係乜洞？（不是我以上講過果啲 ...
呢個都玩過，唔係（你可爬爬文「通天籮」及「二佛洞」） newbie 發表於 18-5-2021 01:26 AM
多謝師兄解答
我響外國都有探過洞，不過會有教練帶住，香港無人帶，如果你地會開團有得報名就好了
又係睇情況…
例如溶洞，天頂已經塌咗變天坑，咁就唔太危險了。生長中嘅洞就留意地面有幾多塌石，天花或岩壁上有幾多裂痕，礦洞都差唔多，地面冇塌石、天花冇裂痕，算係安全，但意識上一定要知，就係長遠上一定有有一天塌落嚟，究竟係一千萬年後，抑或你行過果一刻？數學上，例如你每天搭巴士返工，當無限年後，你一定會死於巴士意外，所以究竟係永遠唔搭巴士？要自己評估風險。
你可睇睇我蓮麻坑Level 5 外傳3果集，片中當我講緊木氣井時，隔離隊友提緊我頭上舊石有大裂痕，而我腳下有塌石，所以睇完就即走。 egg_studio 發表於 18-5-2021 09:56 AM
呢個玩過，唔係。（呢個冇片，有菲林相，要搵搵。不過，國內有？）
有，早十幾年有行山隊去，不過冇錢冇假冇得去。
egg_studio 發表於 18-5-2021 10:11 AM
又係睇情況…
例如溶洞，天頂已經塌咗變天坑，咁就唔太危險了。生長中嘅洞就留意地面有幾多塌石，天花或 ...
謝謝師兄回覆
見師兄都有探防空洞，想問問防空洞是否通常有良好的通風(對流)系統，唔會怕有毒氣在洞內聚集呢？
newbie 發表於 18-5-2021 06:32 PM
謝謝師兄回覆
見師兄都有探防空洞，想問問防空洞是否通常有良好的通風(對流)系統，唔會怕有毒氣在洞內聚 ...
計香港，我去過嘅防空洞唔多，總體上空氣唔流通，因為大多數氣井被封，抽風機冇咗。
至於所謂「毒氣」，我上面有講成因，你睇完自己諗諗有冇啦 野孩子 發表於 18-5-2021 10:37 AM
有，早十幾年有行山隊去，不過冇錢冇假冇得去。
行山隊去玩 lava tube咁開心？ 多謝師兄分享, 又學到野 x 2 最近先知，原來有d地方聽個名，想像同事實係有出入。
頁:
[1]
2