西門子電報桿之「舊禁區外」（第七集）
繼舊沙頭角、蓮麻坑禁區後，搵電報線嘅旅程走出禁區，因為電報走線經過蓮麻坑村口後，繼續沿蓮麻坑路經香園圍、蓮塘、打鼓嶺、文錦渡、沙嶺，然後響羅湖站過河（梧桐河，以前稱鳳溪或印度河 — 詳細歷史我網站有講，有興趣爬文），之後往料壆。PS：上集講到「執漏：山咀至伯公坳電報桿」，不過影片已經更新到「礦山支線」，有興趣爬爬文~~~
由於幾十年禁區關係，電報桿保存得不錯，就算曾有人耕作及居住的新桂田，曾開礦的蓮麻坑，電報桿都冇被破壞。不過，禁區之外就唔同世界！我預期大部分電報桿都冇咗。
結果有少少出乎意料，當然，電報桿好多冇咗，但禁區外走線上竟然搵到好多保留了「原裝西門子」支架及絕緣體嘅桿，又發現走線上有啲桿已經成碌被換走，變成「稍為」現代的新界電話桿（大約是 60-70 年代產品 — 未證實），另外在香園圍搵到（應該）冇乜人知嘅燒窰。而且，除西門子外，發現三支 Bullers「Code Word Flint」桿夾雜響走線裏 — Buller 的出品就是用於沙頭角公路旁，有文獻記錄於 1899 年鋪設的電報線 / 桿。
但「Code Word Flint」代表乜？會不會如西門子 No.5S 是桿的型號？暫時未知，不過，有會員指出，幾年前油麻地都有一支相似電報桿，上面是「Code Word Artro」
文章及影片未寫好，先分享圖片：
青花鴨 / 鵝碗（大家認為是鴨定鵝？）
Macintyre 絕緣體，暫時只有呢支桿配置，未有更多發現。
另一邊印有 Leadless Glaze
南坑上的西門子桿。
風景優美的「深圳河污泥堆填區」
香園圍的燒窰（已出片，請另爬文）
Bullers「Code Word Flint」桿。
這種桿的用類似西門子的扭環連接，但沒有獨立的外環。
曬咗相，補 2 張菲林：
蓮麻坑路
蓮麻坑路上山，未到瓦窰警崗。
謝謝分享
資料詳盡豐富:):):):) Thanks for sharing! 支持師兄，感謝分享。 多謝師兄分享 出咗片，唔嫌悶就捧場~~~ 稍後有大結局（片），然後就有文（網站）
SooHSJriDhI
頁:
[1]