大埔蓮澳 --> 林村 --> 泰亨村路遊
有車友介紹蓮澳 --> 碗窰路線，咁我就試試蓮澳 --> 林村，然後經圍頭往泰亨，全走村路 -- 因為寫緊（及畫緊）泰亨南華甫一帶的鄉郊建築文章（未寫好），所以呢輪響果頭走村路。先從大埔上蓮澳，踩幾斜嘅馬路，炎熱天氣下一腳輕鬆搞掂。
如果睇「官方地圖」，從蓮澳有幾條路可以跨過山去林村，但實際上仲行得只有一條仲行到，其他小徑已生密或畀人封咗變成種植場（唔肯定係合法定非法）。
其他小徑都有探過，去到山卡啦就變咗種植場，但風景好靚。
條路好明顯，平時應該有人行。
大約上幾分鐘就到標高柱。山下就係林村一帶。
落山對於 XC 車比較難搞，因為九成係樹根路，加上落完雨，要踩一半抬一半。（照片是其餘的一成路況）
話咁快落到山腳「社山村」，亮點係被圍住嘅老樟樹。之後我冇踩馬路出林錦公路，而係沿「社山河」踩，最後都係出林錦公路，只係多咗村路玩。
去到林村，嚟支沙冰可樂（$10）
飲完可樂，向牛牯嶺軍路進發。
牛牯嶺軍路我介紹了好多次，有興趣可爬舊文或我網站。不過，今次不需上牛牯嶺，要從旁邊一條不起眼的小路穿入去。我踩咗牛牯嶺咁多年，都冇發現呢條小路，因為有景轟，直至我問果頭嘅農務陀地先識行，陀地唔想咁揚，所以要象徵式加番閱讀權限。
**** Hidden Message *****
過咗景轟位後，係短短嘅 XC 拜山路（之後係農陀的領土）
呢個位要抬上石級，之後就會直入圍頭村。
入到圍頭村村，向山腳方向踩，會去到呢個「高難度」住宅區，有幾「高難度」？handle bar 600 以上過唔到，仲有幾個 90 度轉彎位及上石級。
呢個 U 形位幾得意。
之後落山，會見到「日本拔刀比賽」擂台。前面轉左面向山腳踩番上山，否則出番馬路。
又稍為上少少斜，基本上係沿山腳踩，有少少分岔路，基本上向住泰亨方向。
過鐵橋。
最後見到荷花池，就到達泰亨。泰亨有幾幢歷史建築，我稍後另文介紹。
有時間不妨又踩番上山少少，遊覽「百年連理樹」、文武廟及天后廟。
從文氏宗祠可駁馬路走，若繼續玩村路，就繼續往山邊方向踩，會踩入少少迷宮 feel 嘅洋房區。
入到好靚嘅村路，不過一轉彎……
就立刻變 XC 路，所以新界村路真係估佢唔到。XC 路好短，接上 S 形村路，然後出南華甫，之後就只有馬路可走。
Thanks for sharing! 村村通，好好玩 請問有沒有track? 找一日試走 DominicNg@G 發表於 22-7-2020 04:38 PM
請問有沒有track? 找一日試走
PM 咗你
謝謝蛋兄 睇完你遊記，蓮澳去林村可以放棄。 點解？ egg_studio 發表於 23-7-2020 12:16 PM
點解？
9成要推車...無謂了
你睇错，我話「9成樹根路，一半要抬車」，即是約45%要抬，你踩軟架應該可以過多啲位 明白...看今個星期有冇時間試下
不過你強悍好多，我加埋軟架都無你一半功力....:L 星期日由蓮澳試落社山，路況不差，不過我都只係落到一半，人問題多過車。
再走村路往泰亨，相信我走的路線不是完全同蛋兄相同，至少沒有遇到超窄的路...總括來說，幾特別的路，但不會經常走，始終穿過村民屋企，狗就不停吠。
再次謝謝蛋兄指示
講多少少，原本先去皇后山印度廟打卡，但上山小路已被旁邊地盤封了，地盤職員說是地政署封，再問附附近清潔伯伯，他說連廟外圍都封，說是怕天秤高空工作怕會掉東西弄傷市民。
哈哈，你搵到「景轟位」嗎？（私人地方）
「超窄的路」<-- 我頭 bar 680mm 唔夠過，就算過到都轉唔到彎。 egg_studio 發表於 28-7-2020 11:23 PM
哈哈，你搵到「景轟位」嗎？（私人地方）
「超窄的路」
景轟位門常開...不過我入咗去即順手關上。
這些村路四通八達，可能每次都走到不同的路。
尋幽探秘好過癮，謝分享。 shiulung 發表於 12-10-2020 03:37 PM
尋幽探秘好過癮，謝分享。
這正是村路好玩之處
頁:
[1]